Lumwekesho 12:11 - KNTP

¹¹ Kabiji bamushinjile na mambo a mashi a Mwana Mukooko, ne na mambo a byambo bya kushimuna kwabo, kabiji kechi batemenwe myeo yabo amba twakafwa ne.

Lumwekesho 12:11 Iomraidhean Croise

Luka 14:26

“Umvwe muntu waiya kwi amiwa kwakubula kushikwa bashanji ne bainanji ne, ne mukazhi ne baana ne, ne balongo ne banyenga yanji, ee kine ne mweo wanji ne, kechi wakonsha kwikala ke mwanami wabwanga ne.

Yoano 16:33

“Bino bintu nemwambila namba mumwene mutende mwi amiwa. Pano pantanda kumanama ko kwenu. Byonkabyo koseshai michima yenu, amiwa nepashinda pano pantanda.”

Byubilo 20:24

Pakuba amiwa kechi nataako muchima ku mweo wami nobe kyo kintu kyanema kwi amiwa ne, poso mpwishe kikonkwanyi kyami, ne mwingilo ye natambwile kwi Nkambo Yesu, wa kusapwila Mambo Awama a bupe bwa Lesa.

Byubilo 21:13

Ponkapo Paulo wakumbwile amba, “Mubena kuubaka, byo mubena kujila ne kundajisha muchima? Mambo amiwa naswa kechi kukaswa konka ne, nangwatu ne kwijifwila jizhina ja Nkambo Yesu ku Yelusalema.”

Loma 16:20

Ne aye Lesa wa mutende ukamuchakakanya Satana munshi ya maulu enu palutwe kacheche. Bupe bwa Nkambo yetu Yesu Kilishitu bwikale ne anweba.

1 Kolinda 15:57

Bino sante ekale kwi Lesa, ye witupa lushinjilo mwi Yesu Kilishitu Nkambo yetu!

1 Yoano 4:4

Anweba twana, mwi bakwa Lesa kabiji mwibashinda, mambo awa uji mwi anweba wamukila awa uji mu ba pano pantanda.

1 Yoano 5:5

Kabiji ye ng'anyi muntu ushinda panopantanda? Kana yenka waitaba amba Yesu ye Mwana Lesa.

Lumwekesho 1:2

Yenka washimwine mambo a Lesa, ne byambo bya ambile Yesu Kilishitu, ne bintu byonse byo amwene.

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 11:7

Kabiji byo bakapwisha kushimuna kwabo, awa lukinyama ufuma mu kalengwa kabuula kupela, ukalwa naabo, ne kwibashinda, ne kwibepaya.

Lumwekesho 12:17

Ponkapo aye nsung'unyi wamuzhingijile bingi mwanamukazhi kaye ne kuya na kulwa naabo bashajilepo ba munkunwa yanji, bonka balama mikambizho ya Lesa, ne kukwachisha bukamonyi bwa Yesu.

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.

Lumwekesho 2:13

nayuka ko waikala, konka kuji jitanda ja Satana. Kabiji wakwachisha jizhina jami, ne kukana lwitabilo lwa mwi amiwa ne, nangwa mu moba a Antipasa kamonyi wami, muntu wami wakishinka, ye baipayile mwi anweba, monka mwaikala Satana.

Lumwekesho 2:17

“Aye uji na matwi, omvwe byamba Mupashi ku bipwilo. Kwi aye ushinda, nkamupapo manna afyamika. Kabiji nkamupa jibwe jitoka, panembwa jizhina jipya, jo babula kuyuka bonse kana yenkaye wijitambula.”

Lumwekesho 2:26

Ne aye ushinda, ne awa wiyuba mingilo yami kufika ne kumpelo, amiwa nkamupa luusa lwa pa mikoka ya bantu.

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 20:4

Kabiji namwene matanda, ne baikajilepo bo bapele luusa lwa kuchiba mambo. Kabiji namwene myeo ya boba batapilwe na mambo a bukamonyi bwa Yesu, ne na mambo a mambo a Lesa. Ne abo babujile kupopwela awa lukinyama, nangwa kipashang'ano kyanji, ne kutambula kayukilo pa kilungi nangwa pa kuboko ne. Baikajile na bumi jibiji ne kwikala na bufumu pamo ne Kilishitu myaka 1,000.

Lumwekesho 3:12

Aye ushinda, nkamwalula ke jishiki ja mu nzubo yazhila ya Lesa wami, kabiji kechi ukalupukamo ne. Ne amiwa nkanemba pe aye jizhina ja Lesa wami, ne jizhina ja muzhi wa Lesa wami, ye Yelusalema mupya, ufuma mwiulu kwi Lesa wami, ne jizhina jami jipya.

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.

Lumwekesho 3:5

Aye ushinda ukavwala bivwalo bitoka, ne amiwa kechi nkazhimang'anya jizhina janji mu buku wa bumi ne, kabiji nketaba jizhina janji ku meso a Bataata ne ku meso a bamalaika babo.

Lumwekesho 6:9

Kabiji byo ashinkwile kateetesho ka butanu, namwene munshi ya kyakusokelapo byakufutumuna myeo ya boba bo baipayile na mambo a byambo bya Lesa, ne na mambo a kulama bukamonyi bwabo.