Lumwekesho 12:10 - KNTP

¹⁰ Kepo naumvwine jiwi jikatampe mwiulu amba, “Pano lupulukilo, ne bulume, ne bufumu bwa Lesa wetu, ne luusa lwa Kilishitu wanji, byafika! Mambo awa mushinawishi wa bakwetu waelwa panshi. Yenkaye wibashinawijilenga kwi Lesa wetu mute ne bufuku.

Lumwekesho 12:10 Iomraidhean Croise

Mateo 26:64

Kumvwa Yesu amba, “Wafikilapotu. Nanchi nemwambila namba, palutwe mukamona Mwana Muntu kasa aikala ku kilujo kya Bulume, kasa eya mu makumbi a mwiulu.”

Mateo 28:18

Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi.

Mateo 6:10

Bufumu bwenu bufike. Kyaswa muchima wenu kyubiwe pano panshi, byonka byo kyubiwa mwiulu.

Luka 11:2

Kumvwa aye amba, “Pa kulomba, mwambe amba, “Taata, jizhina jenu jizhile; Bufumu bwenu bufike.

Luka 22:31

“Shimona, Shimona, talai, Satana wimusakile bonse amba emululule nobe kajo.

1 Kolinda 5:4

Mu jizhina ja Nkambo yetu Yesu, byo mukapwila pamo ne muchima wami ukekala ponka na bulume bwa Nkambo yetu Yesu,

2 kolinda 12:9

Aye wang'ambijile amba, “Bupe bwami bwakuwaina, mambo mu kunekena mo bulumbulukila bulume bwami.” Onkao mambo nketotela mu kunekena kwami na lusekelo lukatampe, namba bulume bwa Kilishitu bwikale pe amiwa.

Titusa 2:3

Ne banabakazhi bakulumpe nabo pamo, wibambile bekale byafwainwa bazhijikwa, kechi babang'ana ne, nangwa banonkwa buzha ku binyu ne, bekale ba kufunjisha byawama,

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 2:26

Ne aye ushinda, ne awa wiyuba mingilo yami kufika ne kumpelo, amiwa nkamupa luusa lwa pa mikoka ya bantu.

Lumwekesho 7:10

Kabiji babijikile na jiwi jikatampe, amba, “Lupulukilo lufuma kwi Lesa wetu waikala pa jitanda, ne kwi Mwana Mukooko!”