Lumwekesho 12:1 - KNTP

¹ Kabiji kiyukilo kikatampe kyamwekele mwiulu. Kya mwanamukazhi wavwala juba, ne ng'ondo munshi ya maulu anji, wajinga na munchinya wa tubangabanga jikumi na tubiji pa mutwe wanji.

Lumwekesho 12:1 Iomraidhean Croise

Mateo 12:38

Ponkapo bamo banembeshi ne Bafaliseo ba mwambijile amba, “Mufunjishi, tusaka kumona kiyukilo kwi anweba.”

Mateo 24:30

Kabiji ponkapo kikamweka kiyukilo kya Mwana Muntu mwiulu, kabiji mikoka yonse ya pano panshi ikajila miteto, bakamumona Mwana Muntu kasa eya mu makumbi a mwiulu na bulume ne na lukumo lukatampe.

Mako 13:25

ne tubangabanga twa mwiulu tukaponanga, ne bya bulume biji mwiulu bikasunkeena.

Luka 21:11

Kukekala ne bitentanshi bikatampe, kabiji kwavula kukekala bipowe bya nzala ne myalo. Kabiji kukekala ne bilenga moyo ne biyukilo bikatampe kufuma mwiulu.

Luka 21:25

“Kabiji kukekala biyukilo ku juba, ne ku ng'ondo, ne ku tubangabanga. Ne ba mikoka ya bantu pano pantanda bakasusubala pa kumona malwa, bakekala na moyo mambo a kubuluma kwa mema a kalunga ne manyaki.

Yoano 3:29

Awa uji na musongwa ye musongoshi, kabiji mulunda na musongoshi, yenka waimana na kumumvwa, ye usekela bingi na mambo a jiwi ja musongoshi. Byonkabyo ne luno lusekelo lwami lwafikizhiwa.

Byubilo 2:19

Kabiji nkamwesha bya kukumya mwiulu, ne biyukilo pano panshi; Bya mashi, ne bya mujilo, ne bya mimbulungwa ya bwishi.

Loma 13:14

Bino anweba vwalai Nkambo Yesu Kilishitu, kechi mwimwene jimo nangwa mucheche mwakuubila bya lwiso lwa buntunshi ne.

Loma 3:22

Bonkabwa bololoke bwa Lesa bwa mu lwitabilo lwa mwi Yesu Kilishitu ku bonse baitabila. Mambo kafwako wapusana ne.

2 kolinda 11:2

Mambo amiwa nemumvwina mukao, ye mukao wa bwina Lesa, mambo nemwitabila mulume umo yenkaye Kilishitu, namba nkemufikizhe kwi aye bumuzhike bwawama.

Ngalatiya 3:27

Mambo anweba bonse monka mo mwavujila mwabatizhilwe mwi Kilishitu, mwavwala Kilishitu.

Ngalatiya 4:26

Pakuba Yelusalema uji mwiulu ye mwana bene, ye inetu.

Ngalatiya 6:14

Bino amiwa, kechi ngikale na kya kwitotelamo nangwa pacheche ne, posotu mu musalabu wa Nkambo yetu Yesu Kilishitu; ku yeo musalabu pano pantanda pangipayilwa amiwa, kabiji ne amiwa nepepayilwa pano pantanda.

Efisesa 5:32

Kino kyafyamika kyo kikatampe, bino naamba mambo a Kilishitu ne a kipwilo.

Lumwekesho 1:20

Bino akya kyafyamika kya atwa tubangabanga tutanu na tubiji to wajikumona mu kuboko kwami kwa kilujo, ne abya bitulwapo malampi bitanu na bibiji bya ngolode, byo byo bino; atwa tubangabanga tutanu na tubiji bo bamalaika ba byobya bipwilo bitanu na bibiji, kabiji abya bitulwapo malampi bitanu na bibiji byo bipwilo bitanu na bibiji.”

Lumwekesho 11:19

Ponkapo nzubo yazhila ya Lesa iji mwiulu beishinkwile, kabiji kwamwekele mu nzubo yazhila jikwachi jazhila ja mulaye wanji. Ponkapo ke kubesha, ne mawi, ne bilulumo, ne kitentanshi, ne mvula mukatampe wa mabwe.

Lumwekesho 12:3

Kwamwekele ne kiyukilo kikwabo mwiulu. Kwajinga nsung'unyi mukatampe uchila kasa aji na mitwe itanu na ibiji, ne nsengo jikumi, ne pa mitwe yanji pajinga tubondo tutanu na tubiji.

Lumwekesho 15:1

Kabiji namwene kiyukilo kikwabo mwiulu, kikatampe ne kya kukumya. Bamalaika batanu na babiji kasa baji na myalo itanu na ibiji ikapelaako, mambo mu yoya myalo mo mwapwila bukaji bwa Lesa.

Lumwekesho 21:14

Kabiji nsakwa ya muzhi yajinga na bitendekesho jikumi na bibiji, ne ponka pa bitendekesho pajinga mazhina jikumi ne abiji a batumwa jikumi ne babiji ba Mwana Mukooko.

Lumwekesho 21:23

Kabiji awa muzhi kechi usaka kyeya kya juba nangwa kya ng'ondo ne, mambo lukumo lwa Lesa lo lwamutokesha, ne aye Mwana Mukooko ye lampi wanji.