Lumwekesho 11:8 - KNTP

⁸ Kabiji mibiji yabo yafwa ikalaala mu mukwakwa wa mu yewa muzhi mukatampe, yebateela mu kifwanyikizho amba, Sodoma ne Ijipita, mo apopelwe ne Nkambo yabo pa musalabu.

Lumwekesho 11:8 Iomraidhean Croise

Mateo 10:15

Kine nemwambila namba, mu juba ja kije bya malwa bya kyalo kya Sodoma ne Gomola bikakepako kechi bikesakana na bya yewa muzhi ne!”

Byubilo 9:4

Kabiji aye byo aponene panshi, wa umvwine jiwi amba, “Saulo, Saulo, ikika kyo ubena kummanyikila?”

Bahebelu 13:12

Byonkabyo Yesu naye wamanamijile pangye ya nkambi, byo asakile kwibazhijika bantu na mashi anji mwine.

Bahebelu 6:6

Kabiji umvwe ba pondoka! Kechi kyakosheka kwibabwezha jibiji ku lulapilo ne, mambo babena kumupopa pa musalabu jibiji Mwana Lesa, ne kumumwesha bumvu patoka.

2 Petelo 2:6

Kabiji byo aalwile mizhi ya Sodoma ne Gomola ke buto tu, wiizhachishe na lonaiko, ne kwiyalula ke ya kumwenako abo bakekala mu bumbulwa kwakamwa Lesa.

Yuda 1:7

Pamo nobe Sodoma ne Gomola ne mizhi yajinga kubwipi, byo bepanyishetu bene ku bulalelale, pamotu ne bano, ne kulondela bisela bingi. Bebamwesha ke kya kumwenako byo bamona lukabisho lwa mujilo wa myaka.

Lumwekesho 11:13

Kabiji mu kyonkakya kimye kwajinga kitentanshi kikatampe, ne lubaji lumo lwa mu lubaji jikumi lwa muzhi lwaponene, kabiji kwafwile bantu 7,000 na kitentanshi, ne bashajilepo baubile moyo, ke batumbijike Lesa wa mwiulu.

Lumwekesho 11:9

Kabiji ba mu mitundu ya bantu, ne ba mu bisaka, ne ba mu njimi, ne ba mu mikoka ya bantu, bakamona mibiji yabo yafwa moba asatu ne ja kupelelezha pakachi, ne kuswa amba beizhiike mibiji yabo yafwa mu bilende ne.

Lumwekesho 14:20

Ne kya kufiinamo binyu, kyanyantawijilwe pangye ya muzhi, kabiji mwalupukile mashi mu kya kufiinamo binyu, afikile nobe kimino kya ku ntambo ya bambili, ne mu bula misinso ya makilomita 300.

Lumwekesho 14:8

Ne mukwabo malaika wa bubiji, walondejile ne kwamba amba, “Wapona! Babilona mukatampe! Yenkaye watomesha mikoka yonse ya bantu binyu bya bukaji bwa bulalelale bwanji!”

Lumwekesho 16:19

Ponkapo ne awa muzhi mukatampe waabenepo jisatu, ne mizhi ya mikoka ya bantu yakundukile. Ne Babilona mukatampe naye bamuvulukile ku meso a Lesa, amba tumupe katomeno ka binyu bya bukaji bwa Lesa bwakatazha.

Lumwekesho 17:1

Kabiji kwaishile umo wa mu boba bamalaika batanu na babiji bajinga na michiba itanu na ibiji, wang'ambijile amba, “Iya kuno, nkubuule luzhachisho lwa yewa pite waya nkuwa, waikala pa mema avula.

Lumwekesho 17:18

Kabiji awa mwanamukazhi ye wajikumona ye awa muzhi mukatampe, wikala mu bufumu pa bamfumu ba pano pantanda.”

Lumwekesho 17:5

Ne pa kilungi kyanji panembelwe jizhina ja bufyamfya, ja lumbulula amba, “Babilona mukatampe, inanja ba pite ne bya bunya pano pantanda.”

Lumwekesho 18:10

Bakemana kwaleepa na mambo a kuchiina kumanama kwanji. Ne kwamba amba, “Mamoo! Mamoo! Awe muzhi mukatampe Babilona, muzhi wakosa! Mu awala umo kuzhatwa kobe kwafika!”

Lumwekesho 18:18

ne kujila byo bamwene bwishi bwa kupya kwanji, amba, “Ng'anyi muzhi mukatampe wapashang'ana na uno?”

Lumwekesho 18:2

Kabiji wabijikile na jiwi jikatampe amba, “Wapona! Babilona mukatampe wapona! Pano wa aluka ke mwa kwikala bademona, ke mwa kulamina bapashi bonse babipa, ne mwa kulamina bang'onyi bonse babipa ne banyama babipa ba muzhilo.

Lumwekesho 18:21

Kabiji malaika wakosa washikwile jibwe nobe jibwe jikatampe ja kupelapo ne kwijitaya mu kalunga, ne kwamba amba, “Byonka bino byo bikatayiwa panshi Babilona, awa muzhi mukatampe, na kinya kikatampe, kabiji kechi ukamweka jibiji ne.

Lumwekesho 18:24

Kabiji mwi aye mwatainwe mashi a bangauzhi, ne a bazhijikwa, ne a bonse baipayilwe pantanda.