Lumwekesho 11:19 - KNTP

¹⁹ Ponkapo nzubo yazhila ya Lesa iji mwiulu beishinkwile, kabiji kwamwekele mu nzubo yazhila jikwachi jazhila ja mulaye wanji. Ponkapo ke kubesha, ne mawi, ne bilulumo, ne kitentanshi, ne mvula mukatampe wa mabwe.

Lumwekesho 11:19 Iomraidhean Croise

Lumwekesho 11:13

Kabiji mu kyonkakya kimye kwajinga kitentanshi kikatampe, ne lubaji lumo lwa mu lubaji jikumi lwa muzhi lwaponene, kabiji kwafwile bantu 7,000 na kitentanshi, ne bashajilepo baubile moyo, ke batumbijike Lesa wa mwiulu.

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 12:1

Kabiji kiyukilo kikatampe kyamwekele mwiulu. Kya mwanamukazhi wavwala juba, ne ng'ondo munshi ya maulu anji, wajinga na munchinya wa tubangabanga jikumi na tubiji pa mutwe wanji.

Lumwekesho 16:1

Kabiji naumvwine jiwi jikatampe jafuma mu nzubo yazhila, kasa jibambila aba bamalaika batanu na babiji amba, “Yainga, muketulwile aya michiba itanu na ibiji ya bukaji bwa Lesa pa ntanda!”

Lumwekesho 16:18

Ponkapo kwajinga kubeesha, ne mawi, ne bilulumo, ne kitentanshi kikatampe. Kyakuuba, monka mwaikela bantu pano pantanda, kechi kyamwekelepo kitentanshi kikatampe kya bulume bwine kya byonkabyo ne.

Lumwekesho 16:21

Ne mvula wa mabwe akatampe afumine mwiulu ebaponejile bantu. Ao mabwe kunema kwao, jimo kampe pamo na lutalenta. Ne bantu ke bamunene Lesa bya mwenga na mambo a yeo mwalo wa mvula wa mabwe, mambo ao mwalo wajinga mukatampe mwine.

Lumwekesho 19:11

Ponkapo namwene jiulu jashinkuka, kabiji namwene mbili utoka. Aye waikajilepo jizhina janji amba Wakishinka ne Wakine, kabiji aye uchibila mambo monka mu bololoke, mo mo alwila ne nkondo.

Lumwekesho 4:1

Pakupita bibye, namwene kibelo kyashinkuka mwiulu, kabiji ne jiwi jitanshi jo naumvwine, jaubile nobe ja ntolompita, kasa jing'ambila amba, “Kanjila kuno, nkubuule bintu bikamweka kulutwe.”

Lumwekesho 4:5

Kabiji ne mu jitanda mwalupukile kubeesha, ne mawi, ne bilulumo. Ne malampi atanu ne abiji a mujilo atemenenga ku meso a jitanda, yo mipashi itanu na ibiji ya Lesa.

Lumwekesho 7:15

Onkao mambo baji ku meso a jitanda ja Lesa, kabiji bamwingijila mute ne bufuku monka mu nzubo yanji. Ne aye waikala pa jitanda ukebavweta aye mwine.

Lumwekesho 8:5

Kabiji aye malaika, byo ashikwile kambabula, wikayuzhizhe na mujilo wa pa kyakusokelapo byakufutumuna ne kumusukumwina pano pantanda. Ponkapo kwajinga kilulumo, ne mawi, ne kubeesha, ne kitentanshi.

Lumwekesho 8:7

Malaika mutanshi waimbile, ponkapo ke mvula wa mabwe ne mujilo, byavwangakana na mashi, byaelelwe pantanda. Ne lubaji lumo lwa pa lubaji lusatu lwa pantanda lwapiile, ne lubaji lumo lwa pa lubaji lusatu lwa bichi nabyo lwapiile, ne nsono yonse yatalala nayo yapiile.