Lumwekesho 11:15 - KNTP

¹⁵ Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 11:15 Iomraidhean Croise

Mateo 24:31

Kabiji ukebatuma bamalaika banji na jiwi jikatampe ja ntolompita, ne abo bakebapwizha pamo basalululwa banji kwibafumya ku makonka ana a panopantanda, ne monse mwapela jiulu.

Mateo 6:13

Kabiji kechi mwitutwale mu lweseko ne, mwitupokolole kwi yewa mubi.”

Luka 1:33

kabiji aye ukekala mfumu mu kisaka kya Yakoba myaka yonsetu, ne bufumu bwanji kechi bukapwa ne.”

Luka 15:10

Byonkabyo, nemwambila namba, kuji lusekelo ku meso a bamalaika ba Lesa pa ndengamambo umo walapila.”

Luka 15:6

ne pakufika ku nzubo yanji, wapwizha pamo balunda nanji ne boekala naabo amba, sekelai pamo ne amiwa mambo na mumona mukooko wami wataikile!

Byubilo 4:26

Bamfumu ba pano pantanda beimanya nzhita ne bandamakyalo bamubungulukila Nkambo ne Mushingwa wanji.

Bahebelu 1:8

Bino Lesa pakwamba na mambo a Mwana aye amba, “Jitanda jobe obewa Lesa, jo ja myaka ne myaka! Kabiji ulama bufumu bobe na bololoke.

Lumwekesho 10:7

Pakuba pa kimye kya jiwi ja malaika wa butanu na bubiji, byo akasaka kwimba ntolompita, ponkapo kyafyamika kya Lesa kikapwa, monka mwayila Mambo Awama o ebabujile bakalume banji bangauzhi.”

Lumwekesho 12:10

Kepo naumvwine jiwi jikatampe mwiulu amba, “Pano lupulukilo, ne bulume, ne bufumu bwa Lesa wetu, ne luusa lwa Kilishitu wanji, byafika! Mambo awa mushinawishi wa bakwetu waelwa panshi. Yenkaye wibashinawijilenga kwi Lesa wetu mute ne bufuku.

Lumwekesho 15:4

Nkambo, ng'anyi ukabula kwakamwa ne kutumbijika jizhina jenu? Mambo anweba yenu yenka Wazhila! Mambo mikoka yonse ya bantu ikeya na kupopwela ku meso enu, mambo byubilo byenu byaoloka byamweka.”

Lumwekesho 16:17

Kabiji aye malaika wa butanu na bubiji waitulwijile muchiba wanji pa mwela. Ponkapo mu nzubo yazhila mwalupukile jiwi jikatampe, jafumine ku jitanda, amba “Kyaubiwa!”

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 19:1

Pakupita bibye naumvwine nobe jiwi jikatampe ja jibumba jikatampe mwiulu, amba, “Aleluya! Lupulukilo, ne lukumo, ne bulume byo bya kwa Lesa wetu!

Lumwekesho 19:6

Kabiji naumvwine jiwi nobe ja jibumba jikatampe, kabiji nobe jiwi ja mema avula, kabiji nobe jiwi ja kutatauka kukatampe kwa mvula amba, “Aleluya! Mambo Nkambo Lesa wetu, wa bulume bonse waikala ke Mfumu!

Lumwekesho 20:4

Kabiji namwene matanda, ne baikajilepo bo bapele luusa lwa kuchiba mambo. Kabiji namwene myeo ya boba batapilwe na mambo a bukamonyi bwa Yesu, ne na mambo a mambo a Lesa. Ne abo babujile kupopwela awa lukinyama, nangwa kipashang'ano kyanji, ne kutambula kayukilo pa kilungi nangwa pa kuboko ne. Baikajile na bumi jibiji ne kwikala na bufumu pamo ne Kilishitu myaka 1,000.

Lumwekesho 8:12

Ne aye malaika wa buna naye waimbile. Ne lubaji lumo lwa pa lubaji lusatu lwa juba lwapuminwe, ne lwa ng'ondo, ne lwa tubangabanga; amba lubaji lumo lwa pa lubaji lusatu lwabyo byaluke ke bifiita, ne juba kechi jube mute lubaji lumo lwa pa lubaji lusatu lwajo ne, ne bufuku nabo byonkabyo.

Lumwekesho 9:1

Ne malaika wa butanu naye waimbile. Namwene kabangabanga ka mwiulu kaponejile pantanda, kabiji bamupele kii wa kalengwa kabuula kupela.

Lumwekesho 9:13

Kabiji aye malaika wa butanu na bumo naye waimbile, ponkapo naumvwine jiwi jafumine ku nsengo ina ya ku kyakusokelapo byakufutumuna kya ngolode kiji ku meso a Lesa.