Lumwekesho 10:11 - KNTP

¹¹ Kabiji bang'ambijile amba, “Kyafwainwa obewa kwaula jibiji na mambo a mitundu ne mikoka ne njimi yavula ya bantu, ne a bamfumu bavula.”

Lumwekesho 10:11 Iomraidhean Croise

Lumwekesho 10:10

Ponkapo natambwile ka buku mu kuboko kwa aye malaika ne kuja, kabiji mu kanwa kami mwatobele nobe buki, pakuba byo napwishishe kuja, munda mwami mwalujile,

Lumwekesho 11:1

Kabiji bampeele jitete nobe mukombo ne kung'ambila amba, “Imana upime nzubo yazhila ya Lesa, ne kyakusokelapo bitapisho, ne aba bapopwelamo.

Lumwekesho 11:9

Kabiji ba mu mitundu ya bantu, ne ba mu bisaka, ne ba mu njimi, ne ba mu mikoka ya bantu, bakamona mibiji yabo yafwa moba asatu ne ja kupelelezha pakachi, ne kuswa amba beizhiike mibiji yabo yafwa mu bilende ne.

Lumwekesho 14:6

Kabiji namwene malaika mukwabo kasa apita pakachi ka jiulu, kasa aji na Mambo Awama a myaka ne myaka a kusapwila ku bekala pantanda, ne ku mikoka yonse ne ku bisaka byonse ne ku njimi yonse ne ku mitundu yonse ya bantu.

Lumwekesho 17:10

Kabiji bo bamfumu batanu na babiji, batanu bapona, umo ko akiji, mukwabo washalaapo, ukyangye kwiya, kabiji byo akeya, ukekalatu kakimye kacheche.

Lumwekesho 17:12

“Ne yoya nsengo jikumi yo wajikumona bo bamfumu jikumi, bakyangye kutambula bufumu, pakuba abo bakatambula luusa lwa bufumu pamo ne aye lukinyama mu awala umo.

Lumwekesho 17:15

Kabiji aye wang'ambijile amba, “Aa mema o wajikumona, po aikala awa pite, yo mitundu ne mabumba, ne mikoka, ne njimi ya bantu.

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.