Lumwekesho 10:1 - KNTP

¹ Ponkapo namwene malaika mukwabo wakosa waikijilenga kufuma mwiulu. Kasa avwala jikumbi ne kakongolo pa mutwe wanji, ne kilungi kyanji kyamwekelenga nobe juba, ne maulu anji nobe mimbulungwa ya mujilo.

Lumwekesho 10:1 Iomraidhean Croise

Mateo 17:2

Ne aye waalukile ke ungi ku meso abo, kabiji kilungi kyanji kyasaamine nobe juba, ne bivwalo byanji byamwekele nobe kyeya.

Luka 21:27

Ponkapo bakamona Mwana Muntu kasa eya mu makumbi na bulume ne lukumo lukatampe.

Byubilo 26:13

Kabiji mu jishinda pa kushinkimana juba, “Anweba Mfumu, Namwene kyeya kyafumine mwiulu, kyakijile kusaama kwa juba, kasa kyansaamina konse ne bonailenga naabo pamo.

Lumwekesho 1:7

Talai, aye ubena kwiya na makumbi! Ne meso onse akamumona, pamo ne aba bamwashile. Ne mikoka yonse ya pano pantanda ikajila mabingo na mambo a aye. Byonkabyo, Amena!

Lumwekesho 18:1

Pakupita bibye namwene malaika mukwabo kasa ekila mwiulu. Wajinga na luusa lukatampe, ne lukumo lwanji lwapaine kyeya pantanda ponse.

Lumwekesho 18:21

Kabiji malaika wakosa washikwile jibwe nobe jibwe jikatampe ja kupelapo ne kwijitaya mu kalunga, ne kwamba amba, “Byonka bino byo bikatayiwa panshi Babilona, awa muzhi mukatampe, na kinya kikatampe, kabiji kechi ukamweka jibiji ne.

Lumwekesho 20:1

Kabiji namwene malaika kasa ekila kufuma mwiulu, wajinga na kii wa kalengwa kabula kupela ne munyololo mukatampe mu kuboko kwanji.

Lumwekesho 4:3

Ne aye waikajileepo pa kumutala, wamwekele nobe jibwe ja yasipa ne ja salajasi, ku jitanda kwazhokolokele ne kakongolo, kamwekele nobe emalode.

Lumwekesho 5:2

Ponkapo namwene ne malaika wakosa kasa abijika na jiwi jikatampe amba, “Ng'anyi wafwainwa kushinkula uno buku, ne kukasulula tuteetesho tujipo?”

Lumwekesho 8:13

Kabiji namwene ne kumvwa mpungu umo kasa apita pakachi ka jiulu, kasa abijika na jiwi jikatampe amba, “Malwa! Malwa! Malwa! Aboba bekala pano pantanda, na mambo a kuvuma kwa oa matolompita a boba bamalaika basatu, bakyangye kwimba!”