Lumwekesho 1:5 - KNTP

⁵ kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 1:5 Iomraidhean Croise

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Mateo 28:18

Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi.

Yoano 13:1

Pano kijiilo kya Lupitailo kasa kikyangye kufika, Yesu wayukile amba, kimye kyami kyafika kya kufuma pano pantanda ne kuya kwi bataata. Byo atemenwe ba kwanji bajinga pano pantanda, aye wibatemenwe ne kumpelo.

Yoano 13:34

Mukambizho mupya ye nemupa anweba, namba mwitemwe anweba bene na bene, byonka byo nemutemwa amiwa, ne anweba mwitemwe anweba bene na bene.

Yoano 15:9

Amiwa nemutemwa anweba pamo byonka byo bantemwa Bataata. Ikalainga mu butemwe bwami.

Yoano 18:37

Kumvwa Pilato wamwambijile amba, “Nanchi obewa wi mfumu nyi?” Kumvwa Yesu amba, “Anweba mwafikilapotu amba, ‘Wi mfumu.’ O mambo o nasemenwe, ne o naishijile pano pantanda, namba nshimune bya bukine. Ne bonse ba bukine bomvwa jiwi jami.”

Yoano 3:11

Kine, kine nemwambila namba, byo twayuka byo byonka byotwamba, ne byo twamona byo byonka byo tushimuna, ne anweba bonse ne kwitabila kushimuna kwetu ne.

Yoano 3:16

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Yoano 3:32

Kabiji byo amwene ne kumvwa, byo byonka byo ashimuna, kabiji kafwako nangwa umo waitabila kushimuna kwanji ne.

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Byubilo 26:23

Byo kyafwainwe aye Kilishitu kumanama, kabiji pa kwikala mutanshi kusanguka mu bafu ekale wa kusapwila mambo a kyeya ku bantu bena Isalela ne ku Bangentila.”

Loma 3:25

Ye a mwesheshe Lesa amba ekale mfuto ya mambo, ya mu lwitabilo lwa mu mashi anji. Mu kumwesha bololoke bwa Lesa bwa kulekela ao mambo a lengelwe kala, monka mu kukooka muchima kwa Lesa.

Loma 8:37

Ine, mu bino bintu byonse twakila mu kushinda monka mwi aye witutemenwe!

1 Kolinda 6:11

Ne anweba bamo byobyo mwajinga, bino pano bemovwa, bemuzhijika ne kwimubingisha monka mu jizhina ja Nkambo Yesu Kilishitu, ne na Mupashi wa Lesa wetu.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Efisesa 2:4

Kabiji Lesa byo aji na lusa lukatampe, na mambo a butemwe bwanji bukatampe bo etutemenwe,

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Kolose 1:18

Aye Kilishitu ye mutwe wa mubiji, kyo kipwilo, ye ntendekelo, ye mubeji wa kusanguka mu bafu amba, mu bintu byonse akekale ke mwine wakilaamo.

1 Timoti 6:13

Na kukambizha ku meso a Lesa, yenka upana bumi ku bintu byonse, ne ku meso a Kilishitu Yesu, yenka washimwine kwisolola kwawama ku meso a Pontiusa Pilato,

1 Timoti 6:15

Loakamwesha mu kimye kyanji mwine, yenkaye wa bibusa, wa luusa lonse, Mfumu wa bamfumu, ne Nkambo wa ba nkambo.

Bahebelu 10:29

Pakuba anweba mwalanguluka byepi na mambo a lukabisho lukamufwainwa muntu ulengulula Mwana Lesa ne kulengulula mashi a lulayang'ano o azhijikilwamo amba, o atu kabiji umuba mwenga aye Mupashi wa Lesa wa bupe, kechi lukakijishemotu mu kukatazha nenyi?

Bahebelu 9:14

Nanchi mashi a Kilishitu yenka wilambwile mwine kwi Lesa mu Mupashi wa myaka kasa abula bulema akakijishamo kwiitokesha michima yetu ku mingilo ifu amba tumwingijile Lesa mumi.

1 Petelo 1:19

poso na mashi aneema, nobe a mwana mukooko wabula bulema nangwa kiko kicheche ne, o mashi a Kilishitu.

1 Yoano 1:7

Pakuba umvwe twenda mu kyeya byonka byo aji Aye mu kyeya, tuji mu lumvwang'ano atweba bene na bene, ne mashi a Yesu Mwananji etutokesha ku bundengamambo bonse.

1 Yoano 4:10

Butemwe buji bino; kechi amba atweba twamutemenwe Lesa ne, poso amba aye witutemenwe atweba ne kutuma Mwananji amba ekale ke mfuto ya mambo etu.

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 11:3

Ne amiwa nkapana luusa ku batumonyi bami babiji, bakaulanga moba 1,260 kasa bavwala kisapi kya majilo.”

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 19:11

Ponkapo namwene jiulu jashinkuka, kabiji namwene mbili utoka. Aye waikajilepo jizhina janji amba Wakishinka ne Wakine, kabiji aye uchibila mambo monka mu bololoke, mo mo alwila ne nkondo.

Lumwekesho 19:16

Kabiji pa kivwalo kyanji ne pa jimbwata janji panembelwe jizhina amba, “Mfumu wa ba mfumu ne Nkambo wa ba nkambo!”

Lumwekesho 2:13

nayuka ko waikala, konka kuji jitanda ja Satana. Kabiji wakwachisha jizhina jami, ne kukana lwitabilo lwa mwi amiwa ne, nangwa mu moba a Antipasa kamonyi wami, muntu wami wakishinka, ye baipayile mwi anweba, monka mwaikala Satana.

Lumwekesho 3:14

“Kabiji kwi aye malaika wa mu kipwilo kya mu Laodikea unembe amba: “Aye Amena, kamonyi wakishinka ne wa kine, ye ntendekelo ya bilengwa bya Lesa, wa amba bino amba,

Lumwekesho 7:14

Amiwa namukumbwile namba, “Nkambo, anweba mwayuka.” Ne aye wang'ambijile amba, “Bano bo boba bafuma mu oa malwa akatampe, ne kovwa baovwa bivwalo byabo, ne kwibitokesha mu mashi a Mwana Mukooko.