Lumwekesho 1:3 - KNTP

³ Watokwa awa utanga, ne aba bomvwa byambo bya mu uno buku wa bungauzhi, ne kwibikookela abya byanembwamo! Mambo kimye kyafwenya ke pepi.

Lumwekesho 1:3 Iomraidhean Croise

Mateo 24:15

“Kabiji pa kwikimona akya kya bunya kileeta lonaiko kya ambile Danyela ngauzhi, kasa kyaimana mwazhila” (awa utanga, muleke omvwe!)

Luka 11:28

Bino aye amba, “Batokwa bonkaba bomvwa mambo a Lesa ne kwialama.”

Loma 13:11

Kabiji kikwabo, mwayuka kimye byo kyafika kala kya kubuuka mutulo. Mambo lupulukilo lwetu luji pepi kechi luji kwaleepa pamo na byotwaitabijile ne.

Loma 13:12

Bufuku bwapita kala; ke buye na kukya. Nanchi tuvuule mingilo ya mu mfishi ne kuvwala bya nkondo bya mute.

1 Petelo 4:7

Kabiji mpelo ya byonse iji kwipi. Onkao mambo ikalai na michima ya kwikanya, ne kutekanya, mwikale ba milombelo.

2 Petelo 3:8

Bino anweba batemwe, kechi muvulame kino kintu kimo ne, namba kwi aye Nkambo juba jimo jauba nobe myaka kiumbi, ne myaka kiumbi yauba nobe juba jimo.

Lumwekesho 22:10

Kabiji wang'ambijile amba, kechi ushinke na kateetesho byambo bya bungauzhi bwa mu ye uno buku ne, mambo kimye kya kumpelo ke kiji pepi.

Lumwekesho 22:12

“Umvwa! Abo ngiya bukiji! Ne mfweto yami nji nayo, ya kupana ku bonse, monka mwayila mingilo yabo.

Lumwekesho 22:20

Aye ushimuna bino bintu wa amba amba, “Ee Kine! Abo ngiya bukiji!” Amena. Iyai Nkambo Yesu!

Lumwekesho 3:11

Abo ngiya bukiji. Kwachisha akya kyo uji naakyo, namba kafwako nangwa umo akwangate munchinya wobe ne.