Lumwekesho 1:2 - KNTP

² Yenka washimwine mambo a Lesa, ne byambo bya ambile Yesu Kilishitu, ne bintu byonse byo amwene.

Lumwekesho 1:2 Iomraidhean Croise

Yoano 1:32

Kabiji Yoano washimwine amba, “Namwene Mupashi kasa ekila mwiulu nobe nkunda, ne kumwikala aye.

Yoano 12:17

Ne aja jibumba jajinga nanji byo aichile Lazalasa kufuma mu kilende ne kumusangula mu bafu, ja shimwinenga.

Yoano 19:35

(Kino wikishimuna aye wikimwene, ne kushimuna kwanji ko kwa kine. Kabiji ne aye wayuka amba, abya byo mbena kwamba byo bya kine, amba ne anweba mwitabile.)

Yoano 21:24

Uno ye yewa mwana wabwanga washimuna bino, ne kwibinemba, kabiji twayuka namba kushimuna kwanji ko kwa kine.

Yoano 3:11

Kine, kine nemwambila namba, byo twayuka byo byonka byotwamba, ne byo twamona byo byonka byo tushimuna, ne anweba bonse ne kwitabila kushimuna kwetu ne.

Byubilo 22:15

Mambo obewa ukekala kamonyi wanji wa kumushimuna ku bantu bonse mu byonse byo wamona ne byo waumvwa.

Byubilo 26:16

Pano buukapo wimane. Mambo na kumwekela namba nkutongole wikale ke wamwingilo, ne kamonyi wa abya bintu byo wamona mwi amiwa, kabiji ne wabyobya byo nkakumwesha kulutwe.

Byubilo 4:20

Mambo atweba kechi twakonsha kuleka kwamba bintu byotwamwene ne byo twaumvwine ne.”

1 Kolinda 1:6

Kushimuna kwa kumushimuna Kilishitu kwa lumbulukila mwi anweba.

1 Kolinda 2:1

Kabiji anweba bakwetu, amiwa byo naishile kwi anweba na kusapwila byafyamika bya bukine bya Lesa, kechi naishile na byambo bya mulambisha nangwa bya maana ne.

1 Yoano 1:1

Akya kyajinga mu ntendekelo, kyo twaumvwine, kyo twamwene na meso etu, kyo twatajishishe, ne kukwatako na maboko etu, kya Mambo a bumi.

1 Yoano 4:14

Kabiji twamona ne kushimuna namba Taata watumine mwananji amba ekale ke mupulushi wa ba panopantanda.

3 Yoano 1:12

Bonse bantu bamushimuna bulongo Demeteliusa, bukine bwine bumushimuna nabo. Ne atweba tumushimuna pamo, ne anweba mwayuka amba kushimuna kwetu ko kwa kine.

Lumwekesho 1:11

Amba, “Byo wamona unembe mu buku ne kutuma ku abya bipwilo bitanu na bibiji. Ku Efisesa, ne ku Simulina, ne ku Pelegamuma, ne ku Tiyatila, ne ku Saladisa, ne ku Filadelifya, ne ku Laodikea.”

Lumwekesho 1:19

Onkao mambo nemba abya byo wamona, bintu bijipo, ne bikamweka palutwe.

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 12:11

Kabiji bamushinjile na mambo a mashi a Mwana Mukooko, ne na mambo a byambo bya kushimuna kwabo, kabiji kechi batemenwe myeo yabo amba twakafwa ne.

Lumwekesho 12:17

Ponkapo aye nsung'unyi wamuzhingijile bingi mwanamukazhi kaye ne kuya na kulwa naabo bashajilepo ba munkunwa yanji, bonka balama mikambizho ya Lesa, ne kukwachisha bukamonyi bwa Yesu.

Lumwekesho 20:4

Kabiji namwene matanda, ne baikajilepo bo bapele luusa lwa kuchiba mambo. Kabiji namwene myeo ya boba batapilwe na mambo a bukamonyi bwa Yesu, ne na mambo a mambo a Lesa. Ne abo babujile kupopwela awa lukinyama, nangwa kipashang'ano kyanji, ne kutambula kayukilo pa kilungi nangwa pa kuboko ne. Baikajile na bumi jibiji ne kwikala na bufumu pamo ne Kilishitu myaka 1,000.

Lumwekesho 22:21

Bupe bwa Nkambo Yesu bwikale na bantu bonse.

Lumwekesho 6:9

Kabiji byo ashinkwile kateetesho ka butanu, namwene munshi ya kyakusokelapo byakufutumuna myeo ya boba bo baipayile na mambo a byambo bya Lesa, ne na mambo a kulama bukamonyi bwabo.