Lumwekesho 1:18 - KNTP

¹⁸ Ne wa bumi! Bino nafwiile, kabiji tala, ne mumi wa myaka ne myaka, kabiji nji na bakii ba lufu ne ba kalunga ka bafu.

Lumwekesho 1:18 Iomraidhean Croise

Mateo 11:23

Ne obewa Kapenama! Ukasuntulwa kufika mwiulu nyi? Bakakwikizha panshi! Mambo aya mingilo ya bulume yamwekele mwenu, inge yamwekele mu Sodoma, inge ukijipo ne buji leelo!

Mateo 16:19

Nkemupa bakii ba bufumu bwa mwiulu; kyo mukakasa pano pantanda ne mwiulu kikakaswa; kabiji kyo mukakasulula pano pantanda ne mwiulu kikakasululwa.”

Luka 24:5

Kabiji byo baubile moyo ne kukunyika bilungi byabo panshi, aba banabalume bebambijile amba, “Musakila ka mumi mu bafu?

Yoano 11:25

Kumvwa Yesu wamwambijile amba, “Amiwa yami lusanguko ne bumi. Awa wangitabila amiwa, nangwa afwe, ukamona bumi,

Yoano 14:19

Kwashala ka kimye kacheche ba pano pantanda kechi bakammona jibiji ne, pakuba anweba mukammonanga, byo naikala na bumi amiwa, ne anweba mukekalanga naabo.”

Loma 6:9

Kasa twayuka namba Kilishitu, byo asangulwa mu bafu, kechi ukafwa jibiji ne, lufu pano kechi luji na luusa pe aye ne.

2 kolinda 13:4

Mambo nangwa waipayilwe ku musalabu mu kunekena, waikala na bumi monka mu bulume bwa Lesa. Mambo ne atweba twi banekena mwi aye, byonkabyo kwi anweba tukekala nanji na bumi monka mubulume bwa Lesa.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Kolose 3:3

Mambo mwafwile, ne bumi bwenu bebufya pamo ne Kilishitu mwi Lesa.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 7:16

Wapewa bung'anga, kechi mwayila Mizhilo ya mikambizho ya ku buntunshi ne, poso mwayila bulume bwa bumi bubula kupwa.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

Lumwekesho 10:6

kamuchipe awa wikala myaka ne myaka, aye walengele mwiulu ne bintu bijimo, ne ntanda ne bintu bijipo, ne kalunga ka mema ne bintu bijimo amba, “Kechi kwakishala kimye kikwabo kya kubanda ne!

Lumwekesho 15:7

Ne umo wa boba bomi bana wibapele aba bamalaika batanu na babiji michiba ya ngolode itanu na ibiji yayula na bukaji bwa Lesa, yenka waikala myaka ne myaka.

Lumwekesho 2:8

“Kabiji kwi aye malaika wa mu kipwilo kya mu Simulina unembe amba; “Aye mutanshi ne wapelaako, yenkaye wafwile ne kwikala na bumi jibiji, wa amba bino amba,

Lumwekesho 20:13

Kabiji kalunga kasolwele bafu bajimo. Ne lufu ne kalunga ka bafu byasolwele bafu bajimo. Kabiji bonse bebachibijile mambo monka mwayila byo baubile.

Lumwekesho 20:14

Ne lufu ne kalunga ka bafu byaelelwe mu kizhiba kya mujilo. (Luno lo lufu lwa bubiji, kyo kizhiba kya mujilo.)

Lumwekesho 3:7

“Kabiji kwi aye malaika wa mu kipwilo kya Filadelifya unembe amba: “Aye wazhila wa kine, ye uji na kii wa Davida, aye umvwe washinkula kafwako wakonsha kushinka ne, kabiji umvwe washinka kafwako wakonsha kushinkula ne, wa amba bino amba.

Lumwekesho 4:9

Kabiji aba bomi bimye byo bapana lukumo, ne buneme, ne sante, kwi aye waikala pa jitanda, kwi aye wikala myaka ne myaka,

Lumwekesho 5:14

Ne aba bomi bana ba ambile amba, “Amena!” Ponkapo ne aba bakulumpe baponene panshi na kupopwela.

Lumwekesho 6:8

Kabiji namwene mbili watubuluka. Ne aye waikalapo, jizhina janji wajinga Lufu, ne Kalunga ka bafu kamulondejile panyuma. Kabiji bebapele luusa lwa pa lubaji lumo lwa pa lubaji luna lwa pano pantanda, lwa kwipaya na mpoko, ne na nzala, ne na mwalo, ne na banyama bakaji ba pano pantanda.

Lumwekesho 9:1

Ne malaika wa butanu naye waimbile. Namwene kabangabanga ka mwiulu kaponejile pantanda, kabiji bamupele kii wa kalengwa kabuula kupela.