Lumwekesho 1:13 - KNTP

¹³ kabiji mukachi ka bitulwapo malampi namwene umo wapashang'ana nobe mwana muntu, kasa avwala kivwalo kyafika ku maulu, kabiji kasa anyinga mukwato wa ngolode mu kyaji kyanji.

Lumwekesho 1:13 Iomraidhean Croise

Bahebelu 4:15

Mambo kechi tuji na Ng'anga mukatampe wabula kukonsha kumvwa kunekena kwetu ne, kana umo waesekelwe mu mashinda onse pamo ne atweba, bino kechi walengele mambo ne.

Lumwekesho 14:14

Kabiji namwene jikumbi jitoka, ne pa jikumbi namwene umo kasa aikala nobe mwana muntu, ne pa mutwe wanji pajinga munchinya wa ngolode, ne kikwakwa kyatwa mu kuboko kwanji.

Lumwekesho 15:6

Ponkapo mu nzubo yazhila mwalupukile bamalaika batanu na babiji bajinga na myalo itanu na ibiji, kasa bavwala kisapi kya linenyi, kyawama kyabula biko, kasa banyinga ne mikwato ya ngolode pa byaji byabo.

Lumwekesho 2:1

“Kwi aye malaika wa mu kipwilo kya mu Efisesa unembe amba; “Aye wakwata tubangabanga tutanu na tubiji mu kuboko kwanji kwa kilujo, ye upitang'ana mukachi ka bitulwapo malampi bya ngolode bitanu na bibiji, wa amba bino amba,