Luka 9:52 - KNTP

⁵² Watumine baluwe kulutwe yanji, bayile mu muzhi wa Samaliya mu kumunengezhezha bintu byonse.

Luka 9:52 Iomraidhean Croise

Mateo 10:5

Bano ba jikumi na babiji Yesu wibatumine, ne kwibalaya amba, “Kechi muye mu jishinda jaya ku Bangentila ne, nangwa kutwela mu muzhi wa bena Samaliya ne.

Luka 10:1

Pakupita bibye aye Nkambo watongwele banabalume bakwabo makumi atanu na abiji ne kwibatuma babiji babiji, kutangilapo kulutwe yanji ku mizhi yonse ne ku mapunzha onse koasakile kufika aye mwine.

Luka 10:33

Pakuba mwina Samaliya umo, wajinga pa lwendo, wamutaine uno muntu. Ne byo a mumwene wamubijile lusa.

Luka 17:11

Kabiji byo bayilenga ku Yelusalema, aye wapichilenga mu mupaka aku Samaliya aku Ngalilea.

Luka 17:16

Ne kupona waponene ku maulu a Yesu ne kumusanchila. Uno muntu wajinga mwina Samaliya.

Luka 7:27

Yoano ye yewa ye kyanembelwa amba, ‘Tala, mbena kutuma muluwe wami kulutwe yobe, ukakunengezhezha jishinda jobe kulutwe yobe.’

Yoano 4:4

Kabiji wafwainwe kupita mu Samaliya.

Yoano 4:5

Kepo afikile ku muzhi umo wa mu Samaliya yebateela amba Saikala, pepi na ku mushiji wapaine Yakoba kwi mwananji Yosefwa.

Yoano 4:9

Kepo mwanamukazhi mwina Samaliya a mukumbwile amba, “Anweba, byo muji mwina yudea, mambo ka o mundombela bya kutoma, amiwa mwanamukazhi mwina Samaliya?” (Ke pakuba Bayudea kechi bomvwang'ana na bena Samaliya ne).

Yoano 8:48

Kumvwa Bayudea amba, “Nanchi twa amba bulongo namba, anweba mwi mwina Samaliya, kabiji muji na mudemona.”