Luka 9:44 - KNTP

⁴⁴ “Lekai bino byambo bitwele mu matwi enu. Mwana Muntu kaji pepi kupanwa mu maboko a bantu.”

Luka 9:44 Iomraidhean Croise

Mateo 16:21

Kufuma pa kyonkakya kimye Yesu watatwile kwibafunjisha baana banji babwanga amba, “Kyamfwainwa amiwa nkaye ku Yelusalema, nkamaname na byamalwa byavula ku bakulumpe ne ku bang'anga bakatampe ne ku banembeshi ne kwipayiwa, kabiji mu juba ja busatu nkasangulwa.”

Mateo 26:2

“Anweba mwayuka amba pakupita moba abiji ke Kijiilo kya Lupitailo, ne Mwana Muntu bakamusolola amba bakamupope pa musalabu.”

Mako 8:31

Kabiji watatwile kwibafunjisha amba, “Kyamufwainwa Mwana Muntu kumanama byavula ne kumukana ku bakulumpe ne ku bang'anga bakatampe ne ku banembeshi ne kumwipaya, kabiji pakupita moba asatu ukasanguka.”

Mako 9:31

Mambo wafunjishenga baana banji babwanga amba, “Mwana Muntu waya apanwe mu maboko a bantu, ne abo bakamwipaya. Kabiji pakupita moba asatu ukasanguka.”

Luka 1:66

Ne bonse bebyumvwine bebilamine mu michima yabo amba, “Lelo uno mwana ukekala wa byepi?” Mambo kuboko kwa Nkambo kwajinga pe aye.

Luka 18:31

Ne aye Yesu wasendele ba jikumi na babiji, wibambijile amba, “Talai, tubena kuya ku Yelusalema, ne bintu byonse byanembelwe ku bangauzhi bikamufikila Mwana Muntu.

Luka 2:19

Pakuba Maliya wibilamine bino byambo byonse, kasa ebilanguluka mu muchima wanji.

Luka 2:51

Ponkapo aye wayile naabo ne kufika wafikile ku Nazala kasa ebanekenena. Ne inanji wibilamine bino bintu byonse mu muchima wanji.

Luka 24:44

Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”

Luka 9:22

wa ambile amba, “Mwana Muntu kyamufwainwa kumanama bintu byavula ne kumukana ku bakulumpe ne ku bang'anga bakatampe ne ku banembeshi, ne kwipayiwa, kabiji mu juba ja busatu nkasangulwa.”

Yoano 16:31

Kumvwa Yesu wibambijile amba, “Kine pano mwaitabila nyi?

Yoano 16:4

Pakuba nemwambila bino bintu, namba mwaka wabyo pakufika, mukavuluke byo nemubujilebyo amiwa. Kabiji bino bintu kechi nemwambijile ku ntendekelo ne, mambo nakijinga nenu.

Yoano 19:11

Kumvwa Yesu wamwambijile amba, “Kechi uji na luusa pe amiwa ne, poso wapewalo kwiulu. Onkao mambo awa wamfikizha kwi anweba ye uji na mambo akila.”

Byubilo 2:23

aye uno Yesu, byo asolwelwe na mambo a kutongwela jimo ne kuyukila jimo kwanji aye Lesa, anweba yenu mwamupopele pa musalabu ne kumwipaya konka ku maboko a bampupabizhila.

Bahebelu 2:1

Onkao mambo twafwainwa kuteshakotu muchima ku abya bintu byo twaumvwine, kuchiina amba twakakumpuka.