Luka 9:11 - KNTP

¹¹ Kabiji jibumba byo jikiyukile, bamulondejile, ne aye wi batambwijile ne kwibambila mambo a Bufumu bwa Lesa ne kwibabuka aba bakebelenga ku bukwa.

Luka 9:11 Iomraidhean Croise

Mateo 12:15

Kabiji Yesu, byo ekiyukile, wafumineko, ne bavula bamulondejilenga; ne aye wibabukile bonse,

Mateo 14:14

Byo afumine mu bwato wamwene jibumba jikatampe, wibobijile lusa, kabiji wibabukile bakolwa.

Mateo 21:31

Pabano babiji, ng'anyi waubile kyaswa muchima wa shabo?” Kumvwa abo amba, “Mutanshi.” Kumvwa Yesu amba, “Kine nemwambila namba, basonkeshi ne bankende bakemukilaila kukatwela mu bufumu bwa Lesa.

Mateo 21:43

“Onkao mambo nemwambila namba, Bufumu bwa Lesa bakemwangatabo, bakebupana ku mukoka ukapanga bipangwa byabo.”

Luka 1:53

Baji na nzala wibekusha na bintu byawama, ne banonshi wibemanya mabokotu.

Luka 5:31

Ne Yesu wibakumbwile amba, “Batuntulu kechi basaka shayuka wa michi ne, kana bonka bakolwa.

Luka 8:1

Kabiji pakupitapo ka kimye kacheche wayile na kupitang'ana mu mizhi ikatampe ne icheche, kasa asapwila Mambo Awama a bufumu bwa Lesa. Ne ba jikumi na babiji bajinga naji,

Luka 8:10

Aye wa ambile amba, “Kwi anweba kimupewa kuyuka byafyamika bya mu bufumu bwa Lesa, bino ku bakwabo biji mu bishimpi, pakuba amba, byobamona kechi bamone ne, ne byobomvwa kechi bomvwishe ne.”

Luka 9:10

Byo babwelele batumwa bamubujile byonse byo baubilenga. Ne aye wibatwajile kwa bunke ku muzhi yebatela amba Betesaida.

Luka 9:12

Ne pa kuya na kuzhika juba, ba jikumi na babiji baishile ne kumwambila amba, “Ambilai jibumba baye mu mizhi ne mu majimi bakebe pa kulaala ne bya kuja, mambo muno mungye.”

Luka 9:2

ne aye wibatumine na luusa lwa kusapwila mambo a Bufumu bwa Lesa ne kubuka bakolwa.

Yoano 4:34

Kumvwa Yesu amba, “Kajo kami, ko kuuba kyaswa muchima wa aye wantuma, ne kupwisha mwingilo wanji.

Yoano 6:37

Bonse bo bampa bataata bo bakeya kwi amiwa, kabiji awa wiya kwi amiwa kechi nkamupange nangwa pacheche ne.

Byubilo 28:31

kasa ebasapwila mambo a bufumu bwa Lesa, ne kwibafunjisha bya Nkambo Yesu Kilishitu, kasa ambatu na kuchinchika konse, kwakubula ne wa kumukanya ne.

Loma 10:14

Lelo bakamwita byepi ye babula kwitabila? Kabiji bakamwitabila byepi ye babula kumvwa? Kabiji bakomvwa byepi kwakubula musapwishi?

Loma 10:17

Byonkabyo lwitabilo lwiya pakumvwa, kabiji kumvwa nako kwiya na byambo bya Kilishitu.

Loma 15:3

Mambo Kilishitu naye kechi witokeshe mwine pa muchima ne, bino monka mo kyanembelwa amba, “Bya mwenga bya boba bemwambijile mwenga byamfikila amiwa.”

2 Timoti 4:2

pa kusapwila mambo, kasa winengezhezha jimo pa kimye kyafwainwa ne pa kimye kyabula kufwainwa, wibalengulule, ne kwibakalukila, ne kwibatundaika, na kukooka muchima konse ne na lufunjisho.

Bahebelu 4:16

Onkao mambo nanchi tufwenye kwipi konka ku jitanda ja bupe kasa twachinchika. Amba tutambule lusa ne kumona bupe bwa kwitukwasha mu kimye kya kupelelwa kwetu.