Luka 9:1 - KNTP

¹ Aye wibechile ba jikumi ne babiji ne kwibapa bulume ne luusa pa bonse bademona ne lwa kubuka bikola,

Luka 9:1 Iomraidhean Croise

Mateo 16:19

Nkemupa bakii ba bufumu bwa mwiulu; kyo mukakasa pano pantanda ne mwiulu kikakaswa; kabiji kyo mukakasulula pano pantanda ne mwiulu kikakasululwa.”

Mateo 4:24

Kabiji ne nkuwa yanji yakumbene monse mu Silya, kabiji bamuletejile bonse bakolwa, bajinga na bikola ne misongo ya misango ne misango, ne banonkelwe ku bademona, ne ba kishimu ne ba kalepu, ne abo nabo wibabukile.

Mateo 8:9

Mambo ne amiwa ne muntu wapewa luusa pa bashilikale baji munshi yami; namwambila umo namba, yanga! Ne aye kaye; ne mukwabo namba, iya! Ne aye kaiye; ne kalume wami namba, uba kikye! Ne aye wikyuba.”

Luka 10:1

Pakupita bibye aye Nkambo watongwele banabalume bakwabo makumi atanu na abiji ne kwibatuma babiji babiji, kutangilapo kulutwe yanji ku mizhi yonse ne ku mapunzha onse koasakile kufika aye mwine.

Luka 10:19

Talai, nemupa luusa lwa kunyanta milolo ne tuminye, ne kushinda bulume bonse bwa mulwanyi, kabiji kafwako kikemukozha ne.

Yoano 14:12

Kine, kine nemwambila namba, awa wangitabila amiwa, mingilo yo nguba amiwa naye ukeyuba, ne yakila ino ukeyuba, mambo mbena kuya kwi Bataata.

Byubilo 1:8

Pakuba anweba mukatambula bulume, byo ake mwikijila Mupashi Wazhila, kepo mukekala batumonyi bami ba kunshimuna mu Yelusalema, ne monse mu Yudea, ne mu Samaliya, ne monse mwapela ntanda.”

Byubilo 3:16

Kabiji mu lwitabilo lwa mu jizhina janji, uno muntu yemwamona, ne alwa lwitabilo luji mwi aye, lo lwamupa buno butuntulu ku meso enu anweba bonse.”

Byubilo 4:30

Mutanyike kuboko kwenu ne kwibabuka bantu, kabiji ne biyukilo ne bya kukumya byubiwe mu jizhina ja wamwingilo wenu wazhila Yesu.”

Byubilo 9:34

Kepo Petelo a mwambijile amba, “Eneasa, Yesu Kilishitu wimubuka, imanai mwanshike mwanya wenu.” Kabiji ponkapotu waimene.