Luka 8:8 - KNTP

⁸ Ne ikwabo yaponejile mu mushiji wawama ne kukoma yakomene ne kupanga imo kitota kimo.” Byo a ambile bino, ne aye wabijikile amba, “Awa uji na matwi a kumvwa, omvwe!”

Luka 8:8 Iomraidhean Croise

Mateo 11:15

Awa uji na matwi a kumvwa, omvwe!”

Mateo 13:23

Kabiji aba bakushiwa nkunwa ya mu mushiji wawama, bo boba bomvwa mambo, ne kwiakwatakanya, bo bapanga bipangwa kine, umo upanga kitota, mukwabo naye upanga makumi atanu na jimo, mukwabo upanga makumi asatu.”

Mako 4:20

Ne bantu bakwabo bauba nobe boba bakushiwa nkunwa pa mushiji wawama. Beomvwa mambo ne kwiatambula ne kupanga bipangwa, bamo makumi asatu, bakwabo makumi atanu na jimo, ne bakwabo makumi jikumi.”

Mako 4:23

Umvwe muntu uji na matwi a kumvwa, omvwe.”

Mako 4:8

Ne nkunwa ikwabo yaponejile mu mushiji wawama ne kusema yasemenenga kasa ikoma ne kuya na kuvula, imo yasemene makumi asatu ne ikwabo makumi atanu na jimo ne ikwabo kitoota kimo.”

Mako 7:16

Kana muntu uji na matwi omvwe.

Luka 14:35

Kechi wawama kubiika mu mushiji nangwa kwikala mbolesha ne. Ke bya kutayatu. Uji na matwi a kumvwa, omvwe!”

Luka 8:15

Ne yoya ya mu mushiji wawama, bo boba, pa kwiomvwa mambo, beakwachisha na muchima wawama wa lukookelo, ne abo bapanga bipangwa na butekanye.

Luka 8:7

Ne ikwabo yaponejile mu miba, ne miba yakomene nayo pamo ne kwiitatankanya.

Efisesa 2:10

Mambo atweba twi ba mubusendwe bwanji, twalengwa mwi Kilishitu Yesu amba tukengilenga mingilo yawama, yo atongwejile jimo Lesa amba tukendenga monka.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

Lumwekesho 13:9

Umvwe muntu uji na matwi, omvwe!

Lumwekesho 2:11

“Aye uji na matwi, omvwe byamba Mupashi ku bipwilo! Awa ushinda kechi ukamona lufu lwa bubiji ne.”

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 3:13

“Aye uji na matwi, omvwe byamba Mupashi ku bipwilo.

Lumwekesho 3:6

“Aye uji na matwi, omvwe byamba Mupashi ku bipwilo!”