Luka 8:30 - KNTP

³⁰ Ponkapo Yesu wamwipwizhe amba, “Jizhina jobe wi ng'anyi?” Ne aye wa ambile amba, “Ne nzhita,” Mambo wajinga na bademona bavula.

Luka 8:30 Iomraidhean Croise

Mateo 26:53

Nanchi mwalanguluka amba, nabula kukonsha kusashijila Bataata, ponka pano bantumina mazhita a bamalaika akila jikumi na abiji nyi?

Mateo 4:24

Kabiji ne nkuwa yanji yakumbene monse mu Silya, kabiji bamuletejile bonse bakolwa, bajinga na bikola ne misongo ya misango ne misango, ne banonkelwe ku bademona, ne ba kishimu ne ba kalepu, ne abo nabo wibabukile.

Mateo 8:29

Ponkapo, babijikile amba, “Ikika kyo tusakuuba nenu, anweba Mwana Lesa? Mwaiya kuno na kwitumanyika kimye kasa kikyangye kufika nyi?”

Mako 16:9

Kabiji byo asangukile lukelokelo pa juba jitanshi ja mulungu, wamwekele patanshi kwi Maliya wa ku Magadala, yeapangilemo bademona batanu na babiji.

Mako 5:9

Ne Yesu wamwipwizhe amba, “Jizhina jobe wi ng'anyi?” Kumvwa aye amba, “Jizhina jami ne nzhita, mambo twavula!”

Luka 8:2

kabiji ne banabakazhi boapangilemo bapashi babipa ne kubukwa ku bikola; Maliya yebateela amba Magadalena, ye bapangilemo bademona batanu na babiji,

Luka 8:29

Mambo aye wamukambizhe mupashi wabiipa kufumamo mu muntu. Mambo bimye byavula byo kya mukwachilenga, bamulaminenga kasa bamukasa mu minyololo ne mu bikulu ku maulu anji, bino aye wachibawilenga minyololo kabiji watwajilwenga mungye ku mudemona.