Luka 8:15 - KNTP

¹⁵ Ne yoya ya mu mushiji wawama, bo boba, pa kwiomvwa mambo, beakwachisha na muchima wawama wa lukookelo, ne abo bapanga bipangwa na butekanye.

Luka 8:15 Iomraidhean Croise

Mateo 24:13

Bino awa ukakoselamo kufika ne kumpelo ye ukapuluka.

Luka 11:28

Bino aye amba, “Batokwa bonkaba bomvwa mambo a Lesa ne kwialama.”

Luka 6:45

Muntu wawama mu butala bwa bya bunonshi bwa mu muchima wanji usolola byawama, ne muntu mubi naye mu bya bunonshi bwanji bubi usolola bibi, mambo kanwa kamba monka mu kuvula kwa biji mu muchima.

Luka 8:14

Pakuba aya yaponejile mu miba, bo boba bomvwa, bino pa kuya mu jishinda jabo be batatankanya na bya kusakasaka ne bya bunonshi ne bya lusekelo bya mu buno bumi, ne bipangwa byabo kechi bikoma ne.

Luka 8:16

“Kafwako muntu wambula lampi kabiji wazhikapo kintu nangwa kumutuula munshi ya mwanya ne, poso wamubiika pa kitulwapo lampi, amba aba batwelamo bamone kyeya.”

Yoano 14:15

“Inge mwantemwa, mukalama mikambizho yami.

Yoano 15:10

Umvwe mwalama mikambizho yami, mukekala mu butemwe bwami, byonka byo nalama mikambizho ya Bataata, ne kwikala mu butemwe bwabo.

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

Loma 6:22

Pakuba pano mwakasululwa ku bundengamambo ne kwaluka ke muji bazha ba Lesa. Bipangwa byo mutambula bimutwala ku kuzhijikwa, ne kumpelo ke bumi bwa myaka.

Loma 7:18

Mambo nayuka namba mwi amiwa, kokuuba amba, mu buntunshi bwami, kechi mwaikala nangwa kimo kyawama ne, mambo muchima wa kwikyuba njinanji, bino nkankalwa mwa kwikyubila akya kyawama.

Loma 7:4

Byonkabyo anweba bakwetu, ne anweba mwafwile ku Mizhilo monka mu mubiji wa Kilishitu, amba musongolwe ku ungi, yenkawa wasangwilwe mu bafu, amba tumupangile Lesa bipangwa.

Loma 8:25

Bino umvwe twibiketekela byo twabula kumona, twibipembelela na muchima watekanya.

1 Kolinda 7:19

Mukanda ye watu ne bumbulwa mukanda nabo bo bwatu; poso kulama mwayila mikambizho ya Lesa.

Efisesa 2:8

Mambo ko ku bupe ko mwapulukila monka mu lwitabilo. Kabiji kechi kyo kintu kyafuma kwi anweba bene ne, kyokya kupanatu aye Lesa.

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.

Kolose 1:10

Mwendenga mwafwainwa Nkambo na kumutokesha pa muchima. Kasa mupanga bipangwa mu mingilo yonse yawama ne kuya na kukoma mu maana a kumuyuka Lesa.

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

Bahebelu 10:36

Mambo kimufwainwa kutekanya, amba pa kupwisha kuuba kyaswa muchima wa Lesa mukatambule kyalayilwe.

Bahebelu 2:1

Onkao mambo twafwainwa kuteshakotu muchima ku abya bintu byo twaumvwine, kuchiina amba twakakumpuka.

Yakoba 1:4

Kabiji butekanye mwibuleke bwingile mwingilo wabo yense, mwikale balumbuluka kabiji bapwijijika, babula kukajilwa mu kintu nangwa mukimotu ne.

1 Yoano 2:3

Kabiji monka muno mo twayukila namba twamuyuka, umvwe twalama mikambizho yanji.