Luka 8:14 - KNTP

¹⁴ Pakuba aya yaponejile mu miba, bo boba bomvwa, bino pa kuya mu jishinda jabo be batatankanya na bya kusakasaka ne bya bunonshi ne bya lusekelo bya mu buno bumi, ne bipangwa byabo kechi bikoma ne.

Luka 8:14 Iomraidhean Croise

Mateo 13:22

Ne awa wakushiwa nkunwa ya mu miba, ye yewa umvwa mambo, kabiji bya kutabataba bya pano pantanda, ne bujimbijimbi bwa bunonshi, bipaya aa mambo, ne kupanga bipangwa ne.

Mako 4:19

bino bya kusakasaka bya pano pantanda ne bya bujimbijimbi bwa bunonshi, ne kusakasaka kwa bintu bikwabo, pa kutwela bipaya aa mambo ne kupanga bipangwa ne.

Luka 16:13

“Kafwako muzha wakonsha kwingijila bankambo babiji ne, mambo ukashikwapo umo, ne kutemwapo mukwabo, nangwa ukepana ku umo ne kusuula mukwabo. Kechi mwakonsha kwingijila Lesa ne nsabo ne.”

Luka 21:34

“Bino iketai anweba bene, kuchiina amba, michima yenu yakanemenwa na bya kujajaja, ne kupendwa, ne na bya kutabataba bya buno bumi, ne aja juba jakemufikila kwakubula kuketekela.

Luka 8:13

Ne yoya ya pa kibangabwe bo boba, pa kwiomvwa mambo, beatambula na lusekelo. Bino abo kechi baji na mizhazhi ne; betabila ka kimye kacheche, ne mu bimye bya lweseko babwela mu nyuma.

Luka 8:15

Ne yoya ya mu mushiji wawama, bo boba, pa kwiomvwa mambo, beakwachisha na muchima wawama wa lukookelo, ne abo bapanga bipangwa na butekanye.

Luka 8:7

Ne ikwabo yaponejile mu miba, ne miba yakomene nayo pamo ne kwiitatankanya.

Yoano 15:6

Inge muntu ne kwikala mwi amiwa ne, utaiwa nobe musampi, ne kuma wauma, kabiji beibungizha pamo, ne kwiitaya mu mujilo, ne kupya yapya.

1 Timoti 6:17

Banonshi wibakambizhe amba, kechi bekale na michima ya kwitumbijika ne, nangwa kubiika luketekelo lwabo mu bunonshi bwa pano pantanda ne, kana mwi Lesa, ye witupa bintu byavujisha bya kusekelamo.

2 Timoti 4:10

Mambo Demasa wandeka kala, pa kutemwa bya pano pantanda, waya ku Tesalonika. Kelesense waya ku Ngalatiya, ne Titusa naye ku Dalamatiya.

Bahebelu 6:1

Onkao mambo nanchi tuleke mafunjisho atanshi a pa bintu bya Kilishitu, tuyenga kulutwe tufike ku bukulumpe. Kechi twale jibiji kitendekesho kya lulapilo lwa ku mingilo ifu nangwa kya lwitabilo lwa kwi Lesa ne;