Luka 8:13 - KNTP

¹³ Ne yoya ya pa kibangabwe bo boba, pa kwiomvwa mambo, beatambula na lusekelo. Bino abo kechi baji na mizhazhi ne; betabila ka kimye kacheche, ne mu bimye bya lweseko babwela mu nyuma.

Luka 8:13 Iomraidhean Croise

Mako 6:20

Aye Heloda wamuchiinenga Yoano, byo ayukile amba wajinga muntu waoloka ne wazhila, wa mulamine bulongo. Kabiji Heloda watemenwe kuteleka byambo bya kwa Yoano na lusekelo nangwa wakatazhiwe bingi mu muchima wanji, pa kumumvwa.

Luka 8:12

Aya ya kunsa ya jishinda bo boba baumvwa; bino Diabola wiya ne kwibangatao aa mambo mu michima yabo, amba babule kwitabila ne kupuluka.

Luka 8:14

Pakuba aya yaponejile mu miba, bo boba bomvwa, bino pa kuya mu jishinda jabo be batatankanya na bya kusakasaka ne bya bunonshi ne bya lusekelo bya mu buno bumi, ne bipangwa byabo kechi bikoma ne.

Yoano 15:2

Misampi yonse iji mwi amiwa ibula kupanga bipangwa, beifumyako, ne yonse misampi ipanga bipangwa, nayo beiwamisha, pakuba amba ipange byavula.

Yoano 15:6

Inge muntu ne kwikala mwi amiwa ne, utaiwa nobe musampi, ne kuma wauma, kabiji beibungizha pamo, ne kwiitaya mu mujilo, ne kupya yapya.

Yoano 5:35

Aye Yoano wajinga nobe lampi watemenenga ne kuuba kyeya, kabiji anweba mwaswile kusekela mu kyeya kyanji mu kimye kimo.

1 Kolinda 13:2

Kabiji nangwa nji na bungauzhi ne kuyuka byafyamika byonse, ne maana onse, kabiji nangwa nji na lwitabilo lonse lwa kutuntulula mitumba, umvwe ne kwikala na butemwe ne, abyo ne watu.

1 Kolinda 15:2

Onka emusapwijilwe mo mwamwena lupulukilo umvwe mwiakwachisha, kana umvwe mwaitabijile kyatuutu.

Ngalatiya 3:1

Anweba bena Ngalatiya ba bilubi, ng'anyi wimulowele anweba bo bamwesheshe Yesu Kilishitu ku meso enu patoka kasa apopwa pa musalabu?

Ngalatiya 3:4

Lelo abya byavula byo mwamwene bimumwekejile kyatu nyi? Kana kine kyajinga kyatu nyi?

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 2:7

Kasa mwatabilamo ne kushimikwa monka mwi Aye, ne kukoselamo mu lwitabilo lwenu, monka mo bemufunjishishe. Kasa muvuzha kusanta.

Tesalonika 3:5

Onkao mambo ne amiwa byo nabujile kumona mwa kwikizhizha muchima bulongo, natumine muntu namba ngyuke lwitabilo lwenu, kuchiina amba, wa kwimweseka apo kampe wimweseka, ne mwingilo wetu wakaaluka ke watu.

1 Timoti 1:19

kasa ulama lwitabilo na muchima watoka. Mambo bamo, byo bamutaaya ao muchima ubula kwizhachisha balobesha lwitabilo lwabo nobe bwato.

Bahebelu 10:39

Bino atweba kechi twi boba babwela mu nyuma ne konaika ne, pakuba twi boba baji na lwitabilo lwa kupulusha mweo.

Yakoba 2:26

Mambo byonka byo afwa mubiji kwakubula mupashi, ne lwitabilo nalo pamo, kwakubula mingilo lwafwa.

2 Petelo 2:20

Mambo umvwe pa kupuluka ku bubipisho bwa pano pantanda monka mu maana a kuyuka Nkambo ne Mupulushi wetu Yesu Kilishitu, bakasankana ne kushindwa jibiji, bwikalo bwabo bwapelaako bukakila butanshi mukutama.

2 Petelo 2:22

Mambo kibamwekela monka mwayila akya kishimpi kya kine amba, “Kabwa wabwela ku malashila anji mwine” ne “nkumba waowele, wabwela mukwitaka mu mateshi”.

1 Yoano 2:19

Bafumine mwi atweba, bino kechi bajinga ba mwi atweba ne; mambo inge bajinga ba mwi atweba, bafwainwe kutwajijila ne atweba. Bino bafumine mwi atweba mu kwi bamwesha amba kechi bonse bo ba mwetu ne.

Yuda 1:12

Bano bantu yo mikunko yafyamika mu bijiilo byenu bya butemwe byo baja nenu, bo basaka kwijiisha bene kwakubula bumvu, o makumbi abula mema, atwalwa na mwela, byo bichi bya kisalo byabula bipangwa, byaumishatu, byazhujika ne mizhazhi.