Luka 8:12 - KNTP

¹² Aya ya kunsa ya jishinda bo boba baumvwa; bino Diabola wiya ne kwibangatao aa mambo mu michima yabo, amba babule kwitabila ne kupuluka.

Luka 8:12 Iomraidhean Croise

Mateo 13:19

Umvwe muntu waumvwa mambo a bufumu, ne kwiakwatakanya ne, ponkapo awa mubi waiya, ne kumusompolao akushiwa mu muchima wanji, uno ye yewa wakushiwa nkunwa ya mu jishinda.

Mateo 13:4

kabiji pa kukusa, nkunwa imo yaponejile mu jishinda, ne bang'onyi baiya beija.

Mako 4:15

Nkunwa yakushiwa mu jishinda bo bo bano, pa kwiomvwa Satana wiya ponkapotu, ne kwangata mambo akushiwa mwi abo.

Luka 8:11

“Pano kishimpi kyo kyo kino, nkunwa o mambo a Lesa.

Luka 8:13

Ne yoya ya pa kibangabwe bo boba, pa kwiomvwa mambo, beatambula na lusekelo. Bino abo kechi baji na mizhazhi ne; betabila ka kimye kacheche, ne mu bimye bya lweseko babwela mu nyuma.

Luka 8:5

“Njimi umo wayile na kukusa nkunwa yanji. Kabiji byo akushilenga, imo yaponejile kunsa ya jishinda kabiji beinyantawile, ne bang'onyi ba mwiulu beijiile.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.