Luka 7:42 - KNTP

⁴² Byo bakankelwe kupana, bonse babiji wibalekejile nkongole yabo. Pano ng'anyi mwi abo ukamutemwisha ku kila?”

Luka 7:42 Iomraidhean Croise

Mateo 18:27

Ponkapo nkambo wa yewa kalume wamubijile lusa, wamukasulwile ne kumulekela ne byo akongwele ke byatu.

Mateo 18:34

Ponkapo nkambo yanji ke bukaji, wamupaine ku bakabisha, poso akapanetu byonse byo akongwele.”

Mateo 6:12

Ne kwitulekelako mambo etu, byonka byo twibalekela betulenga mambo.

Luka 7:43

Shimona wamukumbwile amba, “Naketekela, awa ye balekejile byavula.” Ne Yesu wamwambijile amba, “Mwachiba bulongo.”

Loma 3:24

Pakubinga bebabingishatu ku bupe bwanji monka mu bukuuzhi bwa mwi Kilishitu Yesu.

Loma 5:6

Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa.

Ngalatiya 3:10

Mambo bonse mobavujila baketekela mu mingilo ya mu Mizhilo bafingwa mafingo. Mambo kyanembwa amba, “Bafingwa mafingo bonse babula kukelwa mu byonse byanembwa mu buku wa Mizhilo ne kwibyuba.”

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Efisesa 4:32

Kabiji kasa mwiubila lusa anweba bene na bene, mwikale ba michima yanekena, ne kwilekela mambo anweba bene na bene, byonka byo emulekejile mambo aye Lesa mwi Kilishitu.

Kolose 3:13

Kasa mwitekenya anweba bene na bene, ne kwilekelako mambo, umvwe umo uji na mambo na mukwabo. Monka mo emulekejile mambo Nkambo, momo mwafwainwa kuubila ne anweba.