Luka 7:39 - KNTP

³⁹ Kabiji aye Mufaliseo yenka wamwichile byo amwene kino, wiambile mu muchima wanji amba, “Awe muntu inge wajinga ngauzhi, inge wamuyuka byo aji uno mwanamukazhi ubena kumukwatakwata amba ye ndengamambo.”

Luka 7:39 Iomraidhean Croise

Mateo 20:16

Byonkabyo bapelaako bakekala ke batanshi, ne batanshi ke bapelaako.”

Mateo 21:11

Kumvwa mabumba amba, “Uno ye ngauzhi, Yesu wa ku Nazala wa mu Ngalilea.”

Mako 7:21

Mambo mukachi, mu michima ya bantu mo mulupuka milanguluko yatama, bulalelale, ne bwivi ne kwipayang'ana, ne bukende,

Luka 12:17

Ne aye walangulukile mu muchima wanji amba, ‘Lelo pano ngube byepi, mambo nabula ne mwa kubiika kajo kami?’

Luka 15:2

Kepo Bafaliseo ne banembeshi banyinyichilenga amba, “Awe muntu utambwila bandengamambo ne kuja naabo.”

Luka 16:3

Ne kalama wiambijile mwine amba, ‘Lelo ngube byepi byo asaka kumpanga nkambo pa mwingilo wami? Kechi nji na ngovu ya kujima ne, kabiji nji na bumvu pa kulomba.

Luka 18:4

Pakuba aye mutonyi wakikainenga moba amo, bino panyuma wiambijile mwine amba, ‘Nangwa mbula kwakamwa Lesa, nangwa kunemeka muntu ne,

Luka 3:8

Byonkabyo pangai bipangwa byafwainwa lulapilo. Kabiji kechi mulanguluke mu michima yenu amba, ‘Tuji na shetu Abulahama ne.’ Pakuba amiwa nemwambila namba, Lesa wakonsha kwalula ao mabwe ke baana ba Abulahama.

Luka 7:16

Moyo wibakwachile bonse, ne kumutumbijika Lesa, ne kwamba amba, “Ngauzhi mukatampe wamweka mukachi ketu!” Kabiji amba, “Lesa wibapempula bantu banji!”

Luka 7:37

Kabiji talai, mwanamukazhi umo ndengamambo, byo a umvwine amba Yesu ubena kuja mu nzubo ya Mufaliseo, waletele musashi wa alabasita wa manyi anunka bulongo,

Luka 7:38

waimene kunyuma ya Yesu ku maulu anji kasa ajila, watatwile kuzobesha maulu a Yesu na mipolo yanji, kabiji wiishimwine na nsuki ya ku mutwe wanji ne kufyompa maulu anji ne kwiashinga na manyi.

Luka 7:40

Yesu wamwambijile amba, “Shimona, nji na kintu kyo nasaka kwamba nenu.” Ne aye wakumbwile amba, “Kyambai, mufunjishi.”

Yoano 4:19

Kumvwa mwanamukazhi amba, “Mwane, nanchi pano nayuka namba anweba mwi ngauzhi.

Yoano 7:12

Kabiji mu mabumba mwajinga kunyinyita kwavula kwa kumunyinyita aye, bamo ba ambilenga amba, “Ye muntu wawama.” Kabiji bakwabo nabo amba, “Ubepaikatu bantu.”

Yoano 9:24

Ponkapo abo bamwichile jibiji awa wajinga mpofu, ne kumwambila amba, “Tumbijika Lesa, atweba twayuka namba awo muntu ye ndengamambo.”