Luka 6:6 - KNTP

⁶ Juba jikwabo ja Sabado, Yesu watwelele mu shinagoga na kufunjisha, kabiji monkamwa mwajinga ne muntu wajinga na kuboko kwa kilujo kwapapa.

Luka 6:6 Iomraidhean Croise

Mateo 4:23

Kabiji Yesu wapitang'enenga monse mu Ngalilea, na kufunjisha mu mashinagoga abo, kasa asapwila Mambo Awama a bufumu, ne kubuka misango yonse ya bikola ne ya bulema mu bantu.

Luka 13:10

Kabiji Yesu wafunjishenga mushinagoga imo mu juba ja Sabado.

Luka 14:3

Ne Yesu wibepwizhe bafunjishi ba mizhilo ne Bafaliseo amba, “Kana kyazhila kubuka muntu mu juba ja Sabado nyi, nangwa ine?”

Luka 4:16

Kabiji waishile ku Nazala, konka ko akomejile. Kabiji byonka byo akelwanga kuuba, wayile ku shinagoga mu juba ja Sabado, ne kwimana waimene amba atange.

Luka 4:31

Kabiji wakunkulukile ku Kapenama, muzhi wa mu Ngalilea. Ne aye wibafunjishenga mu juba ja Sabado,

Luka 6:1

Juba jimo ja Sabado, Yesu byo apichilenga mu bujimi, baana banji babwanga bayilenga na kuchimuna mitwe ya kajo, kasa bavingila mu maboko abo ne kuja.

Luka 6:5

Ne aye wibambijile amba, “Mwana Muntu ye Nkambo wa juba ja Sabado.”

Yoano 5:3

Mo mwalajilenga jibumba ja bakolwa, ne bampofu, ne balemana, ne bapapa. Kasa bapembelela kutenkena kwa mema.

Yoano 9:16

Kepo bamo Bafaliseo ba ambile amba, “Nanchi awo muntu kechi wa kwa Lesa ne, mambo kechi ulama Sabado ne. Kumvwa bakwabo amba, nanchi muntu ndengamambo akonshe byepi kuuba biyukilo biji bibye?” Ponkapo mwi abo mwabuukile lwabano.