Luka 6:23 - KNTP

²³ Mukasekele mu joja juba, ne kukilauka na lusekelo, mambo talai mfweto yenu yo ikatampe mwiulu; mambo ne bashakulu babo nabo baubanga byonkabyo ku bangauzhi.

Luka 6:23 Iomraidhean Croise

Mateo 5:12

Sekelai ne kusangalala, mambo mfweto yenu yo ikatampe mwiulu, mambo byo byo bebapachilenga ne bangauzhi ba batangijilepo kala.”

Luka 1:41

Ne Elizabeta byo a umvwine lwimu lwa kwa Maliya, ponkapo mwana wafunkiishe munda mwanji. Ne Elizabeta wayujilwe na Mupashi Wazhila,

Luka 1:44

Mambo tala, jiwi ja lwimu lobe byo jaji kufika mu matwi ami, mwana waji kufunkisha na lusekelo.

Luka 6:35

Bino temwai balwanyi benu, ne kwibobila byawama, kabiji panai kwakubula kuketekela kutambulako nangwa kimo ne, ne mfweto yenu ikekala ikatampe, kabiji mukekala ke baana ba Mwine Wakila, mambo aye wibobila lusa babula kusanta ne babi.

Byubilo 14:10

wamwambijile na jiwi jikatampe amba, “Imana na maulu obe oloke!” Ponkapo wakilukile kaende ne kwenda.

Byubilo 3:8

Ne aye wakilukile, ne kwimana, ne kwenda kaende; ne kutwela watwelele naabo mu nzubo ya Lesa, kasa enda ne kukilauka, ne kutota Lesa.

Byubilo 5:41

Byonkabyo bafumine mukije kasa basekela na mambo a kutongolwa amba, bo bafwainwa kwijimwena bumvu jizhina ja Yesu.

Loma 5:3

Kukilapotu, twasekela ne mu bya malwa byetu, kasa twayuka namba, malwa aleeta butekanye,

2 kolinda 12:10

Mambo nasekela mu kunekena, ne mu bya kuntanchisha ku muchima, ne mu bya kukajilwa, ne mu kupatwa, ne mu bya kumanama, na mambo a Kilishitu. Mambo umvwe nanekena, po pongikala ke wakosa.

Kolose 1:24

Pano nasekela mu bya kumanama byami na mambo a anweba, kabiji mbena kuyuzha kwashajile ku bya kumanama bya Kilishitu mu mubiji wami na mambo a mubiji wanji, kyo kipwilo.

2 Timoti 2:12

Umvwe twakosela mu bya malwa, tukekala nanji mu bufumu pamo. Umvwe twamukana, ne aye naye usa kuketukana;

Bahebelu 11:26

Walangulukile amba matuka a kutukilwa pe Kilishitu awama kukila kuwama kwa bunonshi bwa Ijipita, mambo watajile ku mfweto ya kulutwe yo akafwetwa.

Bahebelu 11:6

Kabiji kwa kubula lwitabilo kechi kyakonsheka kumutokesha Lesa pa muchima ne, mambo awa wiya kwi Lesa kyamufwainwa aye kwitaba amba ko aji, kabiji amba ye ufweta boba bamukeba.

Yakoba 1:2

Balongo bami, byo muponena mu bya lweseko bya misango ne misango, kasa mulanguluka amba, byonse byo bya lusekelo,

1 Petelo 4:13

Pakuba sekelai byomubena kushilang'ana nanji bya kumanama Kilishitu, namba mukasekele ponka pa lumwekesho lwa lukumo lwanji.

Lumwekesho 2:17

“Aye uji na matwi, omvwe byamba Mupashi ku bipwilo. Kwi aye ushinda, nkamupapo manna afyamika. Kabiji nkamupa jibwe jitoka, panembwa jizhina jipya, jo babula kuyuka bonse kana yenkaye wijitambula.”

Lumwekesho 2:26

Ne aye ushinda, ne awa wiyuba mingilo yami kufika ne kumpelo, amiwa nkamupa luusa lwa pa mikoka ya bantu.

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 21:7

Aye ushinda ukaswana bino bintu ne amiwa. Kabiji nkekala ke Lesa wanji, ne aye naye ukekala ke mwanami.

Lumwekesho 3:12

Aye ushinda, nkamwalula ke jishiki ja mu nzubo yazhila ya Lesa wami, kabiji kechi ukalupukamo ne. Ne amiwa nkanemba pe aye jizhina ja Lesa wami, ne jizhina ja muzhi wa Lesa wami, ye Yelusalema mupya, ufuma mwiulu kwi Lesa wami, ne jizhina jami jipya.

Lumwekesho 3:5

Aye ushinda ukavwala bivwalo bitoka, ne amiwa kechi nkazhimang'anya jizhina janji mu buku wa bumi ne, kabiji nketaba jizhina janji ku meso a Bataata ne ku meso a bamalaika babo.