Luka 6:13 - KNTP

¹³ Byo bwakiile lukeelo waichile baana banji babwanga kabiji wasajilemo jikumi na babiji, bo atumbile amba batumwa,

Luka 6:13 Iomraidhean Croise

Mateo 10:2

Kabiji mazhina a batumwa jikumi na babiji o ano; mutanshi, Shimona, yebateela ja Petelo, ne Andeleo mulongo wanji, ne Yakoba mwana Zebede, ne Yoano mulongo wanji;

Mateo 19:28

Kumvwa Yesu wibambijile amba, “Kine nemwambila namba, anweba ba kundondela, mu ntanda ipya byo akekala Mwana Muntu pa jitanda janji ja lukumo, ne anweba mukekala pa bipona jikumi na bibiji, na kwiichibila mambo mikoka jikumi na ibiji ya bena Isalela.

Mateo 9:36

Kabiji pa kumona jibumba, wibobijile lusa mambo basubakene ne kupelelwa, pamo nobe mikooko yabula kafunga.

Mako 6:30

Kabiji batumwa byo bepwizhizhe pamo konka kwi Yesu, bamubujile byonse byo baubilenga ne byo bafunjishenga.

Mako 6:7

Ponkapo wibechile ba jikumi ne babiji, ne kwibatuma babiji, babiji. Kabiji wibapele luusa pa bapashi babipa

Luka 11:49

Onkao mambo maana a Lesa a ambile amba, nkebatumina bangauzhi ne batumwa, kabiji bamo bakebepaya, ne kwibapata.

Luka 22:30

Namba mukaje ne kutoma ku tebulu wami mu bufumu bwami; kabiji mukekala pa matanda na kuchiba mambo a mikoka jikumi na ibiji ya bena Isalela.”

Luka 6:14

Shimona, ye atumbile amba Petelo ne Andeleo mulongo wanji; Yakoba ne Yoano, Filipa ne Batolomo,

Yoano 4:33

Kepo baana banji babwanga beipwizhenga bene na bene amba, “Kuji wa kumuletela kajo nyi?”

Byubilo 1:13

Kabiji byo batwelele, bakanjijile mu nzubo ya peulu, mobaikajile ba Petelo, ne Yoano, ne Yakoba, ne Andeleo, ne Filipa, ne Tomase, ne Batolomo, ne Mateo, ne Yakoba mwana Alefesa, ne Shimona Muzelote, ne Yudasa mwana Yakoba.

Efisesa 2:20

Kasa mwashimikwa pa kitendekesho kya batumwa ne bangauzhi, ne Kilishitu Yesu mwine jo jibwe jine ja jikonka.

Efisesa 4:11

Kabiji bamo wibapele butumwa, bamo bungauzhi, bakwabo busapwishi, kabiji bakwabo bu kafunga ne bufunjishi.

Bahebelu 3:1

Onkao mambo, anweba bakwetu bazhijikwa, bakutambulako pamo ku lwito lwa mwiulu kwi Lesa! Mulangulukai Yesu, aye mutumwa ne ng'anga mukatampe wa lwitabilo lo twaitabila.

2 Petelo 3:2

Namba muvulukenga byambo byaambilwe kala ku bangauzhi bazhila, ne mukambizho wa Nkambo Mupulushi kupichila mu batumwa benu.

Lumwekesho 12:1

Kabiji kiyukilo kikatampe kyamwekele mwiulu. Kya mwanamukazhi wavwala juba, ne ng'ondo munshi ya maulu anji, wajinga na munchinya wa tubangabanga jikumi na tubiji pa mutwe wanji.

Lumwekesho 18:20

Sekela na mambo anji obewa jiulu, ne anweba bazhijikwa, ne anweba batumwa, ne anweba bangauzhi! Mambo Lesa wimuzhachishishaye!

Lumwekesho 21:14

Kabiji nsakwa ya muzhi yajinga na bitendekesho jikumi na bibiji, ne ponka pa bitendekesho pajinga mazhina jikumi ne abiji a batumwa jikumi ne babiji ba Mwana Mukooko.