Luka 5:26 - KNTP

²⁶ Ne bonse bakuminye bingi, ne kutumbijika Lesa kabiji moyo wibakwachile, ne kwamba amba, “Twamona bintu bya kukumya leelo.”

Luka 5:26 Iomraidhean Croise

Mateo 12:23

Kepo mabumba onse akuminye bingi, ne kwipuzha amba, “Lelo uno kechi ye mwana Davida nenyi?”

Mateo 28:8

Kabiji bafumineko bukiji ku kilende, bino bajinga na moyo ne lusekelo lukatampe pamo, bayile lubilo na kwibabuula baana banji babwanga.

Mateo 9:8

Pakuba mabumba pa kwikimona ke moyo, ke bamutumbijike Lesa yenka wapaine luno luusa ku bantu.

Mako 2:12

Kabiji waimene, ponkapotu washikwile mwanya wanji ne kulupuka ku meso a bonse. Onkao mambo bonse bakuminye bingi ne kumutumbijika Lesa amba, “Kechi twikimwenepo kala kya bibye ne!”

Luka 1:65

Ne moyo wibakwachile bonse bo aikajile naabo kwipi, ne bino byonse bya ambilwe monse mu ntanda ya mitumba ya Yudea.

Luka 5:8

Pakuba Shimona Petelo byo amwene kyaubiwe, waponene ku maulu a Yesu ne kwamba amba, “Fumai kwi amiwa Nkambo! Mambo amiwa ne ndengamambo.”

Luka 7:16

Moyo wibakwachile bonse, ne kumutumbijika Lesa, ne kwamba amba, “Ngauzhi mukatampe wamweka mukachi ketu!” Kabiji amba, “Lesa wibapempula bantu banji!”

Luka 8:37

Ponkapo bonse bantu bazhokolokele kyalo kya Ngalasene bamulombele amba afume mwabo, mambo bakwachilwe na moyo mukatampe. Onkao mambo watwelele mu bwato ne kuya.

Byubilo 4:21

Ne abo, byo bebafunjile jibiji bebalekele, byo babujile kumona bya kwibakabishishamo na mambo a bantu; mambo bantu bonse bamutumbijikilenga Lesa, pa kyokya kyaubilwe.

Ngalatiya 1:24

kabiji bamutumbijikile Lesa na mambo a amiwa.