16 Ne aye mwine wafumineko ne kuya mungye na kulomba.
Byo apwishishe kwiemanya mabumba, wakanjijile ku mutumba kwa bunke na kulomba. Ne juba pakufika mabanga, wakijingatu konka bunke bwanji.
Ne pa kwabana naabo, wayile ku mutumba na kulomba.
Pa kupwisha bantu bonse kubatizhiwa, ne Yesu naye byo abatizhilwe ne kulomba, ne jiulu ja shinkukile,
Mu oa moba Yesu wayile ku mutumba na kulomba, ne bufuku bonse waikajile na kulomba kwi Lesa.
Pakupita moba pepi atanu na asatu kufuma byo a ambile bibye bintu wasendele ba Petelo ne Yoano ne Yakoba ne kukanjila pa muntumba na kulomba.
Ne byo akilombelenga, kumweka kwa kilungu kyanji kwa alukile, ne bivwalo byanji bya bekaukilenga ne kutoka too.
Ponkapo Yesu byo ayukile amba, basaka kwiya na kumukanjikizha amba, ekale ke mfumu, wabwelele ku mutumba kwa bunke bwanji.
