Luka 4:7 - KNTP

⁷ Byonkabyo inge obewa waswa, kumpopwela amiwa, byonse bikekala ke byobe.”

Luka 4:7 Iomraidhean Croise

Mateo 2:11

Kabiji pa kutwela mu nzubo bamwene Mwana kasa aji ne inanji Maliya, bamulambijile panshi ne kumupopwela. Ponkapo basolwele nsabo yabo ne kumupa bya bupetu, bya ngolode ne libona ne mola.

Luka 17:16

Ne kupona waponene ku maulu a Yesu ne kumusanchila. Uno muntu wajinga mwina Samaliya.

Luka 4:6

Kabiji Diabola amba, “Obewa nsakukupa luusa lonse ne lukumo lwa bino byonse, mambo byapewa kwi amiwa, ne amiwa nakonsha kumupa yenka ye nasaka.

Luka 4:8

Ne Yesu wamwambijile amba, “Kyanembwa amba, ‘Ukamupopwela Nkambo Lesa wobe, ne ku mwingijila aye yenka!’ ”

Luka 8:28

Byo a mumwene Yesu, wabijikile ne kuponena panshi mu kyenyi kyanji ne kubijika na jiwi jikatampe amba, “Lelo nanchi ikika kyo musaka kwi amiwa, Yesu Mwana Lesa Mwine Wakila? Ne musashijila namba, kechi mu mmanyike ne!”

Lumwekesho 22:8

Ne amiwa Yoano yami nebyumvwine ne kwibimona bino bintu. Kabiji byo naumvwine ne kumona, naponene panshi ku maulu a malaika wambujile bino bintu namba, namupopwele.

Lumwekesho 4:10

aba bakulumpe makumi abiji ne bana baponena mu kyenyi kya yewa waikala pa jitanda, kabiji bamupopwela aye wikala myaka ne myaka, ne kutaya minchinya yabo ku meso a jitanda amba,

Lumwekesho 5:8

Kabiji byo atambwile awa buku, ponkapo aba bomi bana ne aba bakulumpe makumi abiji ne bana, baponene mu kyenyi kya aye mwana mukooko, bonse kasa baji na byansa pa muntu pa muntu, ne michiba ya ngolode yayula byakufutumuna, yo milombelo ya bazhijikwa.