Luka 4:34 - KNTP

³⁴ “Mamo! Leelo musaka kuubaka ne atweba, Yesu mwina Nazala? Leelo mwaiya na kwitonauna atweba nyi? Nemuyuka byo muji, anweba mwi Wazhila wa Lesa.”

Luka 4:34 Iomraidhean Croise

Mateo 8:29

Ponkapo, babijikile amba, “Ikika kyo tusakuuba nenu, anweba Mwana Lesa? Mwaiya kuno na kwitumanyika kimye kasa kikyangye kufika nyi?”

Mako 1:24

Amba, “Leelo mwasaka kuubaka ne atweba, Yesu mwina Nazala? Leelo mwaiya na kwitonauna atweba nyi? Nemuyuka anweba byo muji, anweba mwi Wazhila wa Lesa!”

Mako 1:34

Ne aye wabukile bavula bakolelwenga bikola bya misango ne misango, kabiji wapangilemo bademona bavula mu bantu. Kechi wibaswishishe bademona amba bambe ne, mambo bamuyukile.

Mako 5:7

ne kubijika na jiwi jikatampe amba, “Lelo nanchi, ikika kyo musaka kwi amiwa, Yesu Mwana Lesa Mwine Wakila? Nemulomba kwi Lesa namba kummanyika amiwa ne.”

Luka 1:35

Ne malaika wamukumbwile amba, “Mupashi Wazhila ukeya pe obewa ne bulume bwa Mwine Wakila bukakunyeng'amina onkao mambo awa mwana ukasemwa wazhila ukatelwa amba, Mwana Lesa.

Luka 4:33

Kabiji mu shinagoga mwajinga muntu wajinga na mupashi wabiipa, ne kubijika wabijikile na jiwi jikatampe amba,

Luka 4:41

Ne bademona nabo bafumine mu bantu bavula, kasa babijika amba, “Anweba mwi Mwana Lesa!” Bino aye wibakambizhe ne kwibakanya amba kechi bambe ne, mambo bamuyukile amba ye Kilishitu.

Luka 8:28

Byo a mumwene Yesu, wabijikile ne kuponena panshi mu kyenyi kyanji ne kubijika na jiwi jikatampe amba, “Lelo nanchi ikika kyo musaka kwi amiwa, Yesu Mwana Lesa Mwine Wakila? Ne musashijila namba, kechi mu mmanyike ne!”

Luka 8:37

Ponkapo bonse bantu bazhokolokele kyalo kya Ngalasene bamulombele amba afume mwabo, mambo bakwachilwe na moyo mukatampe. Onkao mambo watwelele mu bwato ne kuya.

Byubilo 16:39

Ponkapo baishile na kwibasashijila; kabiji byo bebalupwile pangye, bebambijile amba, bafume mu yewa muzhi.

Byubilo 2:27

Mambo anweba kechi mukalekelela mweo wami mu Kalunga ne, nangwa kupana wenu Wazhila amba amone bubole ne.

Byubilo 3:14

Pakuba anweba mwamukaine yenkaye Wazhila ne Waoloka, mwasakile amba bemupeeko mbanzhi,

Byubilo 4:27

Mambo kine monka mu yeuno muzhi, Heloda ne Pontiusa Pilato, ne Bangentila ne bena Isalela, bonse bamubungulukile Yesu wamwingilo wenu wazhila, ye mwashingile manyi.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

Yakoba 2:19

Obewa waitaba amba Lesa ye umo, wauba bulongo! Bademona nabo byobyo baitaba, kasa bazakama.

1 Yoano 3:8

Awa utwajijila na kulenga mambo ye wa kwa Diabola, aye Diabola ye ndengamambo kufumatu ne ku ntendekelo. Onkao mambo Mwana Lesa kyokyo amwekejile amba onaune mingilo ya kwa Diabola.

Lumwekesho 20:2

Ponkapo wakwachile nsung'unyi, awa mulolo wa kala, ye Diabola ne Satana, ne kumukasa wamukashile myaka 1,000.

Lumwekesho 3:7

“Kabiji kwi aye malaika wa mu kipwilo kya Filadelifya unembe amba: “Aye wazhila wa kine, ye uji na kii wa Davida, aye umvwe washinkula kafwako wakonsha kushinka ne, kabiji umvwe washinka kafwako wakonsha kushinkula ne, wa amba bino amba.