Luka 4:25 - KNTP

²⁵ Kine nemwambila namba, mwajinga banabakazhi bafwilwa bavula mu Isalela mu moba akwa Elaija, byo bashinkile mwiulu myaka isatu ne bang'ondo batanu na umo, ne kipowe kyakumbene ntanda yonse,

Luka 4:25 Iomraidhean Croise

Mateo 20:15

Kizhila nyi kuuba byo nasaka kuuba na bintu byami, inyi wangubila kichima amiwa pakuba kyawama?

Luka 10:21

Pa kyonkakya kimye Yesu wasekejile mu Mupashi Wazhila ne kwamba amba, “Nemutota anweba Taata, Nkambo wa mwiulu ne pano panshi, mambo mwibifiile bino bintu ku bamaana ne ku bamilangwe ne kwibisolola ku baana ba bacheche; mo monka, Taata, mo kimuwamina anweba bene.

Loma 9:15

Mambo wamwambijile Mosesa amba, “Nkamubila lusa yenkawa ye nasaka kuubila lusa, kabiji nkamubila bulanda yenkawa ye nkobila bulanda.”

Loma 9:20

Ine, nanchi obewa muntu wi ng'anyi, wishinawina na Lesa? Kyo babumba kimwambile wikibumba amba, “Mambo ka kyo wambumbila bibye nyi?”

Efisesa 1:11

Kabiji mwi Kilishitu mo etwalulwile ke buswanyi bwanji, byo twatongwejilwe jimo monka mwayila kufuukula kwanji, aye wingila byonse monka musakila muchima wanji,

Efisesa 1:9

Byo etusolwejile akya kyafyamika kya ku muchima wanji, monka mwayila akya kyamutokela ku muchima kyo afukwijile jimo mwi Kilishitu.

Yakoba 5:17

Elaija wajinga muntutu pamotu ne atweba, kabiji walombele lulombelo lwa kine amba, mvula kechi anoke ne, kabiji ne mvula kechi wanokele mu kyalo ne, myaka isatu ne bang'ondo batanu na umo.

Lumwekesho 11:6

Bano baji na luusa lwa kushinka mwiulu, amba mvula kechi anoke mu moba a bungauzhi bwabo ne. Kabiji baji na luusa lwa pa mema, kwalula mema ke mashi, ne lwa kupuma ntanda na myalo yonse, monka mo bakasakila.”