Luka 4:15 - KNTP

¹⁵ Kabiji wibafunjishenga mu mashinagoga abo, kasa atakaikwa ku bonse.

Luka 4:15 Iomraidhean Croise

Mateo 13:54

Kabiji wayile ku muzhi wanji ne kufunjisha mu shinagoga wabo, kyakuuba bakuminye bingi ne kwipuzha amba, “Lelo uno muntu ano maana wiafumya pi? Ne ino mingilo ya bulume wiifumya pi?

Mateo 4:23

Kabiji Yesu wapitang'enenga monse mu Ngalilea, na kufunjisha mu mashinagoga abo, kasa asapwila Mambo Awama a bufumu, ne kubuka misango yonse ya bikola ne ya bulema mu bantu.

Mateo 9:35

Kabiji Yesu wapitang'enenga mu mizhi yonse ikatampe ne icheche, kasa ebafunjisha mu mashinagoga abo, ne kwibasapwila Mambo Awama a bufumu, ne kubuka bikola bya misango yonse ne bulema bwa misango yonse.

Mateo 9:8

Pakuba mabumba pa kwikimona ke moyo, ke bamutumbijike Lesa yenka wapaine luno luusa ku bantu.

Mako 1:27

Kabiji bonse bakuminye bingi, ne kwiipuzha abo bene na bene, ne kwamba amba, “Leelo kino kintu ikika? Lufunjisho lungi, lwa na luusa! Aye ukambizha ne bapashi babipa ne abo bamukookela.”

Mako 1:39

Ne aye wayile mu Ngalilea monse, kasa asapwila mu mashinagoga ne kupangamo bademona mu bantu.

Mako 1:45

Pakuba aye walupukile ne kutatula kwi kitayila mbila, ne kukumbanya konse ao mambo. Onkao mambo Yesu kechi wasakile kutwela mu muzhi ku meso a bantu ne. Kepo aikajile mungyetu, ne bantu baishilenga ko aji kufuma konse konse.

Luka 13:10

Kabiji Yesu wafunjishenga mushinagoga imo mu juba ja Sabado.

Luka 4:16

Kabiji waishile ku Nazala, konka ko akomejile. Kabiji byonka byo akelwanga kuuba, wayile ku shinagoga mu juba ja Sabado, ne kwimana waimene amba atange.