Luka 3:3 - KNTP

³ Kabiji Yoano wayile konse konse mu musezho wa Yodano, kasa asapwila lubatizhilo lwa lulapilo lwa lulekelo lwa mambo.

Luka 3:3 Iomraidhean Croise

Mateo 3:11

Amiwa nemubatizha mu mema, lubatizhilo lwa lulapilo, pakuba ao undondela panyuma yami wankila bulume, amiwa kechi nafwainwa nangwatu kumusendela makwabilo anji ne. Aye ukemubatizha na Mupashi Wazhila ne na mujilo.

Luka 1:16

Ne aye ukebalulwila bavula bena Isalela kwi Nkambo Lesa wabo.

Luka 1:77

Na kwibapa maana a lupulukilo bantu banji mu kwibalekela mambo a bubi bwabo.

Luka 4:1

Ne Yesu, kasa ayulwa na Mupashi Wazhila, wabwelele kufuma ku Yodano watangijilwe na Mupashi mungye,

Yoano 1:28

Bino byaubilwe mu Betani ku bushiya bwa Yodano, kwabatizhilenga Yoano.

Yoano 3:26

Kabiji baishile kuji aye Yoano, ne kumwambila amba, “Laabi, awa wajinga ne anweba ku bushiya bwa Yodano, yenkawa ye mwashimwine, pano ubena kubatizha, ne bonse babena kupwila koaji.”

Byubilo 13:24

Kabiji kasa akyangye kwiya, aye Yoano wasapwijile patanshi mambo a lubatizhilo lwa lulapilo, kubena Isalela bonsetu.

Byubilo 19:4

Ne Paulo wibambijile amba, “Yoano wabatizhilenga na lubatizhilo lwa lulapilo, kasa ebambila bantu amba, bamwitabile awa wamulondejile panyuma, aye Yesu.”

Byubilo 22:16

Kabiji pano ikika kyo upembela? Imana, ubatizhiwe, owe bubi bobe, pa kwita pa jizhina janji.”