Luka 3:2 - KNTP

² kimye ba Anasa ne Kaifasa bajinga bang'anga bakatampe, mambo a Lesa aishile kwi Yoano mwana Zakaliya byo ajinga mungye.

Luka 3:2 Iomraidhean Croise

Mateo 11:7

Bano byo bafumineko, Yesu watatwile kwiambila mabumba na mambo a Yoano amba, “Nanchi mwayile mungye na kumona ka? Jitete jo babena kusunkenya kulubesha nyi?

Mateo 26:3

Ponkapo bang'anga bakatampe ne bakulumpe ba bantu bepwizhizhe pamo mu kipango kya ng'anga mukatampe, jizhina janji Kaifasa,

Mako 1:2

Byonka byo kyanembwa mu buuku wa Isaya ngauzhi amba, “Tala! Mbena kutangizha muluwe wami kulutwe yobe ukanengezha jishinda jobe.

Luka 1:80

Ne mwana wakomenenga kasa aya na kukosa mu mupashi. Waikajilenga mungye kufika ne juba jo akesolwele ku bena Isalela.

Yoano 1:23

Aye amba, “Amiwa ne jiwi ja umo ubijika mungye amba, ololai jishinda ja Nkambo! Monka mwa ambijile ngauzhi Isaya!”

Yoano 18:24

Ponkapo Anasa wamutumine kwi Kaifasa, ng'anga mukatampe, kasa akaswa.

Byubilo 4:6

Ne Anasa ng'anga mukatampe ne Kaifasa, ne Yoano, ne Alekesanda, ne bonse mobavujila balongo bang'anga mukatampe.