Luka 3:11 - KNTP

¹¹ Ne aye wibambijile amba, “Uji na malaya abiji apepo wabulajo, ne uji na kajo naye obe byonkabyo.”

Luka 3:11 Iomraidhean Croise

Mateo 25:40

Kabiji Mfumu pa kwibakumbula, ukebambila amba, ‘Kine nemwambila namba, monka mo mwamubijile umo wapelaako wa bano balongo bami, mo mwangubile ne amiwa.’

Luka 11:41

Bino panai ku balanda abya biji mukachi, kabiji ponkapo byonse bisakutoka kwi anweba.”

Luka 18:22

Yesu pakumvwa byobyo, wamwambijile amba, “Kuji kintu kimo kyo mwabulwa. Kapoteshai byonse byo muji naabyo ne kupana ku balanda, kabiji mukekala na nsabo mwiulu, kabiji mwiye mundondele.”

Luka 19:8

Kabiji Zakyasa waimene, ne kumwambila Nkambo amba, “Talai, Nkambo! Mwanzo umo wa nsabo yami nsakupana ku balanda, kabiji inge namwangachile muntu kintu kyanji mu lunkanankana, nsakumulubwila bina pa kimo, bina pa kimo.”

Yoano 13:29

Pakuba byo ajinga nafukuta wa mali, aye Yudasa, bamo balangulukile amba, Yesu wamwambijile amba, akapote byo basakile bya kijiilo, nangwa amba, akebape bintu balanda.

Byubilo 10:2

Aye wanemekanga ne kumwakamwa Lesa pamo naba mukisemi kyanji bonse, kabiji wapainenga bya bukwasho byavula ku bakajilwa, ne kulomba kwi Lesa moba onse.

Byubilo 10:31

wang'ambijile amba, Koneleusa, milombelo yobe yaumvwanyika, kabiji aye Lesa wamona ne bya bupe byobe byoukwasha balanda.

Byubilo 10:4

Ne aye pakumutajisha wa umvwine moyo ne kwamba amba, “Amba ka Nkambo?” Kumvwa aye amba, “Milombelo yobe ne bya bupe byobe ku balanda byafika kwi Lesa, ke bya kukuvulukilako.

Efisesa 4:28

Awa wiba kechi ebe jibiji ne, kana engile kyakosa kasa engila na maboko anji kintu kyawama, amba amwenemo bya kupana kwiyewa wakajilwa.

1 Timoti 6:17

Banonshi wibakambizhe amba, kechi bekale na michima ya kwitumbijika ne, nangwa kubiika luketekelo lwabo mu bunonshi bwa pano pantanda ne, kana mwi Lesa, ye witupa bintu byavujisha bya kusekelamo.

1 Timoti 6:18

Bafwainwa kuuba byawama, ne kwikala banonshi bamu mingilo yawama, bekale bampanyi bepana mu kukwashang'ana.

Bahebelu 6:10

Mambo Lesa kechi wabula koloka amba avulame mwingilo wenu ne butemwe bo mwijimwesha jizhina janji byo mwibengijilenga bazhijikwa banji ne. Bino ne pano mukibengijila byonkabyo.

Yakoba 1:27

Bwina Lesa bwa kine ne bwabula bubi ku meso a Lesa Taata wetu bo bo buno, bwa kupempula baana bakishale ne banabakazhi bafwilwa mu malwa abo, ne kwilama obewa mwine ku biko bya pano pantanda.

Yakoba 2:14

Balongo bami, kyokya byepi umvwe umo wa amba amba uji na lwitabilo, bino mingilo ufwayo? Kana lonkalwa lwitabilo lukamupulusha nyi?

1 Yoano 3:17

Bino umwe umo uji na bya bunonshi bya pano pantanda kabiji wamona mulongo wanji wakajilwa, bino washinka muchima wanji ne kumuubila lusa ne, butemwe bwa Lesa bwaikala byepi mwi aye?

1 Yoano 4:20

Umvwe muntu waamba, amba “Namutemwa Lesa,” bino kasa ashikwa mulongo wanji, ye wa bubela. Mambo awa wabula kutemwa mulongo wanji yeamona, kechi wakonsha kutemwa Lesa yeabula kumona ne.