Luka 23:7 - KNTP

⁷ Kabiji byo ayukile amba, ye wa mu bufumu bwa kwa Heloda, wamutumine kwi Heloda mambo wajinga mu Yelusalema mu oa moba.

Luka 23:7 Iomraidhean Croise

Mateo 14:1

Mu oa moba mfumu Heloda waumvwine nkuwa ya Yesu.

Mateo 14:3

Mambo Heloda wamukwachile Yoano ne kumukasa, wamutayile mu kaleya na mambo Heloda wasongwele Helodiasa muka Filipa mulongo wanji.

Mateo 14:6

Kabiji byo jafikile juba joasemekejilwemo Heloda, mwana wakwa Helodiasa, wamukazhi wazhileenga mukachi, ne kumutokesha pa muchima Heloda.

Mako 6:14

Ne mfumu Heloda wikyumvwine, mambo jizhina ja Yesu jakumbene konse. Bamo ba ambile amba, “Yoano Mubatishi wasanguka mu bafu, kyo kyo aikeela na buno bulume bubena kwingila mwi aye.”

Luka 13:31

Pa kyonkakya kimye bamo Bafaliseo baishile ne kumwambila amba, “Fumai kuno, mambo Heloda wasaka kwimwipaya.”

Luka 23:6

Pilato pakumvwa byo byo, waipwizhe amba, “Ye mwina Ngalilea nyi?”

Luka 3:1

Mu mwaka wa bujikumi na butanu wa bufumu bwa kwa Tibeliusa Kesala, Pontiusa Pilato kasa aji ndamakyalo wa Yudea, ne Heloda naye kasa aji mfumu wa mu Ngalilea, ne mulongo wanji Filipa naye kasa aji mfumu wa mu kyalo kya Itulea ne Tilakonyitisa, ne Lisanyasa naye kasa aji mfumu mu Abilene,

Luka 9:7

Kabiji Heloda mfumu waumvwine byonse bya mwekelenga, ne aye wa lubankene maana, mambo kya ambiwenga ku bamo amba Yoano wasanguka mu bafu,

Byubilo 4:27

Mambo kine monka mu yeuno muzhi, Heloda ne Pontiusa Pilato, ne Bangentila ne bena Isalela, bonse bamubungulukile Yesu wamwingilo wenu wazhila, ye mwashingile manyi.