Luka 22:42 - KNTP

⁴² Amba, “Taata, kana anweba mwaswa, mwikamfumye kano katomeno. Byonkabyo kechi kyaswa muchima wami ne, poso kyaswa muchima wenu kyubiwe.”

Luka 22:42 Iomraidhean Croise

Mateo 11:25

Pa kyonkakya kimye Yesu wa ambile amba, “Nemutota anweba Taata, Nkambo wa mwiulu ne wa pano panshi, mambo mwibifiile bino bintu ku bamaana ne ku bamilangwe, ne kwibisolola ku baana ba bacheche.

Mateo 11:26

Mo monka Taata, mo kimuwamina anweba bene.”

Mateo 20:22

Pakuba Yesu wamwambijile amba, “Kechi mwayuka kyo musaka ne. Mwakonsha kutoma katomeno kontoma amiwa nyi?” Ne abo bamwambijile amba, “Twakonsha.”

Mateo 26:39

Kabiji waendeleko pacheche, wakuvumene panshi na kulomba amba, “Taata, umvwe kyakonsheka kubiwa, kano katomeno kampitaile! Byonkabyo kechi kyasaka muchima wami ne, poso kyasaka muchima wenu.”

Mateo 26:42

Wayile na kulomba jibiji amba, “Taata, umvwe kano katomeno kechi kakonsha kumpitaila ne, poso nekatome, kyaswa muchima wenu kyubiwe.”

Mateo 26:44

Kabiji wibashiile jibiji kabwele na kulomba jabusatu, kapituluke mu byambo bimotu.

Mateo 6:10

Bufumu bwenu bufike. Kyaswa muchima wenu kyubiwe pano panshi, byonka byo kyubiwa mwiulu.

Mako 14:36

Kabiji wa ambile amba, “Abba, Taata! Bintu byonse byakonsheka kubiwa kwi anweba. Fumyai kano katomeno kwi amiwa nangwa byonkabyo kechi byo nsaka amiwa ne. Poso kyo mwasaka anweba.”

Luka 23:34

Kabiji Yesu wa ambile amba, “Taata! Balekelaiko mambo, mambo kechi bayuka kyo babena kuuba ne.” Kabiji ne abo kasa bataaya bubale bwa kwiabenya bivwalo byanji.

Yoano 18:11

Ponkapo Yesu wamwambijile Petelo amba, “Somekai mpoko mu kikwa! Katomeno ko bampele bataata kechi nekatome nenyi?”

Yoano 4:34

Kumvwa Yesu amba, “Kajo kami, ko kuuba kyaswa muchima wa aye wantuma, ne kupwisha mwingilo wanji.

Yoano 5:30

“Amiwa kechi nakonsha kwiubila kintu nangwa pacheche ne, nchibila mambo monka monaumvwina mambo mo mwaoloka, mambo kechi nkeba kuuba mwayila muchima wami amiwa mwine ne, poso mwaswila aye wantuma.

Yoano 6:38

Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma.

Byubilo 21:14

Byo abujile kuswa kumukanjikizha twalekele namba, “Kyaswa muchima wa Nkambo kyubiwe.”