Luka 22:22 - KNTP

²² Mambo Mwana Muntu uya monka mo kyafukwilwa, bino malwa kwiyewa muntu ukamusolola!”

Luka 22:22 Iomraidhean Croise

Mateo 26:24

Mwana Muntu uya monka mo kyamunembelwa. Bino malwa kwiyewa umusolola Mwana Muntu! Kyamuwamina awa muntu inge kechi wasemekelwe ne.”

Mateo 27:5

Ne aye watayile mali mu nzubo yazhila ya Lesa kabiji wafuminemo wakekujikile mwine.

Mako 14:21

Pakuba Mwana Muntu uya monka mo kyamunembelwa, bino malwa kwiyewa umusolola Mwana Muntu! Kyamuwamina awa muntu inge kechi wasemekelwe ne.”

Luka 22:23

Ne abo batatwile kwiipuzha bene na bene amba, kana ng'anyi wa mwi abo waya obe kino kintu.

Luka 24:46

kabiji wibambijile amba, “Kino byo byo kyanembwa amba, Kilishitu wafwainwa kumona bya malwa ne kusanguka mu juba ja busatu,

Yoano 17:12

Byo najinga naabo, amiwa nebalaminenga mu jizhina jenu jo mwampele. Nebasungile, kabiji kafwako nangwa umo waonaika ne, poso yenka awa mwana wa lonaiko, amba kinembelo kifikizhiwe.

Byubilo 10:42

Kabiji ye witulayile amba, mukebasapwile bantu, ne kunshimuna amba, ye mwine ye atongola Lesa amba akekale wa kwibachibila mambo bomi ne bafu.

Byubilo 17:31

Mambo aye watongola juba jo ake bachibilamo mambo ba pano pantanda monka mu bololoke konka kwi yewa muntu ye atongola. Kabiji byo akooba byonkabyo aye wibapa bonse kiyukilo kya kwibayukishako, byo amusangwile awa muntu mu bafu!

Byubilo 2:23

aye uno Yesu, byo asolwelwe na mambo a kutongwela jimo ne kuyukila jimo kwanji aye Lesa, anweba yenu mwamupopele pa musalabu ne kumwipaya konka ku maboko a bampupabizhila.

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

2 Petelo 2:3

Kabiji monka mu lunkumbwa lwabo bakemujiila bintu na byambo byabo bya kujimbaika. Batambwile kala luzhachisho lwabo, kabiji ne lonaiko lwabo kechi lukabanda ne!