Luka 21:8 - KNTP

⁸ Yesu wibambijile amba, “Jimukai mwakatwalwa mungi. Mambo bavula bakeya mu jizhina jami amba, ‘Amiwa yami iye!’ Kabiji amba, ‘Mwaka wafika kala!’ Kechi mukebalondele ne.

Luka 21:8 Iomraidhean Croise

Mateo 24:11

Kabiji bangauzhi ba bubela bavula bakeya, ne kwibatwala mungi bavula,

Mateo 3:2

“Lapilai mambo bufumu bwa mwiulu bwafwenya ke pepi!”

Mateo 4:17

Kufuma pa kyokya kimye Yesu watatwile kusapwila amba, “Lapilai, mambo bufumu bwa mwiulu bwafwenya ke pepi!”

Luka 17:23

Kabiji bakemwambila amba, ‘Talai, kokwa!’ Nangwa amba, ‘Talai, kuno!’ Kechi mukayeko nangwa kwibalondela ne.

Luka 21:7

Ne abo bamwipwizhe amba, “Mufunjishi, ng'anyi mwaka ye bikobiwa abyo bintu? Kabiji ng'anyi kayukilo ka kuyukilako amba bino bintu ke biji pepi kufika?”

Luka 21:9

Kabiji byo mukomvwa makondo ne bya malwang'ano kechi mukoobe moyo ne, mambo abye bintu kyafwainwa bifike patanshi, bino mpelo kechi ikafika ponkapotu ne.”

Yoano 5:43

Amiwa naiya mu jizhina ja bataata, bino anweba kechi mwantambula ne, bino inge mukwabo waiya mu jizhina janji mwine, muka mutambula.

Yoano 8:24

Onkao mambo naji kwimwambila namba, mukafwa mu mambo enu inge mwabula kungitabila amiwa amba, yami iye, mukafwa mu mambo enu.”

Yoano 8:28

Ponkapo Yesu wibambijile amba, “Byo mukemika Mwana Muntu, po po mukangyuka amiwa amba, yami iye, ne byo mbula kwiubila kintu amiwa mwine ne, pakuba mwamfunjishishe Bataata, momo ng'ambila bino bintu.

1 Kolinda 6:9

Nanchi kechi mwayuka amba babula koloka kechi bakaswana bufumu bwa Lesa nenyi? Kechi mujimbaikwe ne; nangwa ba bulalelale, nangwa bapopwela bankishi, nangwa bankende, nangwa bekuna na banabalume bakwabo,

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

2 Tesalonika 2:3

Kechi muleke nangwa umo emujimbaike nangwa pachechetu ne. Mambo aja juba kechi jikafike ne, poso patanshi akwa kupondoka ku lwitabilo kukafike, ne muntu wa bumpupabizhila akamweke, yenkaye mwana wa lonaiko.

2 Timoti 3:13

Kabiji bantu baatama ne ba bujimbijimbi bakayangatu na kutama, kasa bajimbaika ne kujimbaikwa.

1 Yoano 4:1

Anweba batemwe kechi mwitabe mipashi yonse ne, ipimai mipashi kana yafuma kwi Lesa, mambo bangauzhi ba bubela bavula bapalang'ena pano pantanda.

2 Yoano 1:7

Mambo bajimbijimbi bavula bapalang'ena pano pantanda, bonkaba babula kwitaba kwiya kwa Yesu mu mubiji. Uno ye awa mujimbijimbi ne anti kilishitu.

Lumwekesho 1:3

Watokwa awa utanga, ne aba bomvwa byambo bya mu uno buku wa bungauzhi, ne kwibikookela abya byanembwamo! Mambo kimye kyafwenya ke pepi.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.