Luka 21:34 - KNTP

³⁴ “Bino iketai anweba bene, kuchiina amba, michima yenu yakanemenwa na bya kujajaja, ne kupendwa, ne na bya kutabataba bya buno bumi, ne aja juba jakemufikila kwakubula kuketekela.

Luka 21:34 Iomraidhean Croise

Mateo 13:22

Ne awa wakushiwa nkunwa ya mu miba, ye yewa umvwa mambo, kabiji bya kutabataba bya pano pantanda, ne bujimbijimbi bwa bunonshi, bipaya aa mambo, ne kupanga bipangwa ne.

Mako 13:9

“Bino anweba ikalai bajimuka. Mambo bakemufikizha ku bije, ne mu mashinagoga, kabiji mukemana ku meso a bene bandamakyalo ne ku meso a bamfumu na mambo a amiwa, kikekala ke mwa kwibasapwila.

Mako 4:19

bino bya kusakasaka bya pano pantanda ne bya bujimbijimbi bwa bunonshi, ne kusakasaka kwa bintu bikwabo, pa kutwela bipaya aa mambo ne kupanga bipangwa ne.

Luka 10:41

Aye Nkambo wamukumbwile amba, “Maata, Maata! Obewa wabambisha muchima ne kutabankana na byavula,

Luka 12:40

Ne anweba tengelai, mambo Mwana Muntu ukeya pa kimye kyo mwabula kuketekela.”

Luka 17:3

Onkao mambo iketai anweba bene!” “Umvwe mulongo obe walengamambo, umulengulule, kabiji umvwe walapila, mulekelai mambo.

Luka 21:35

Mambo jikebafikila nobe kakose bonse bekala pano pantanda.

Luka 21:8

Yesu wibambijile amba, “Jimukai mwakatwalwa mungi. Mambo bavula bakeya mu jizhina jami amba, ‘Amiwa yami iye!’ Kabiji amba, ‘Mwaka wafika kala!’ Kechi mukebalondele ne.

Luka 8:14

Pakuba aya yaponejile mu miba, bo boba bomvwa, bino pa kuya mu jishinda jabo be batatankanya na bya kusakasaka ne bya bunonshi ne bya lusekelo bya mu buno bumi, ne bipangwa byabo kechi bikoma ne.

1 Kolinda 5:11

Pakuba kyo nemunembejile kyo kyo kino namba, kechi mupwanang'ane na muntu watelwa amba mulongo wetu mwi Nkambo umvwe waikala ke wa bulalelale, nangwa wa lunkumbwa, nangwa upopwela bankishi, nangwa utukana ne, nangwa kitomi, nangwa uja bya lunkanankana ne, wa byonkabyo kechi muje nanji ne.

1 Kolinda 6:10

nangwa bangivi, nangwa ba lunkumbwa, nangwa ba bitomi, nangwa batukana, nangwa baja bya lunkanankana, kechi bakaswana bufumu bwa Lesa ne.

Ngalatiya 5:20

ne kupopwela bankishi ne bung'anga bwa lubuko ne mafika ne lutobo ne kichima ne bukaji ne bongozhi ne mabano ne mepatulo;

Filipai 4:6

Kechi mubambishe michima yenu nangwa mu kintu kimo ne, pakuba mu bintu byonse kasa musolola kwi Lesa byo musaka monka mu milombelo, ne mu misashijilo ne mukuuba sante pamo.

Bahebelu 12:15

Jimukai kuchiina amba, nangwa umo wakabwela mu nyuma ne kufuma ku bupe bwa Lesa. Amba muzhazhi wa bululu wakeya kusapuka ne kwimukatazha ne bavula bakatamishiwa.

2 Petelo 3:10

Bino juba ja Nkambo jikeya nobe ngivi. Mo mo bikapita bya mwiulu na kiwowo kikatampe, ne bijimo bikasunguluka na kyuya kya malwa, ne ntanda ne mingilo yaingijilwapo ikasololwa patoka.

2 Petelo 3:14

Onkao mambo, anweba batemwe, byo mutengela bino bintu, teshaikotu michima yenu, namba, mukatanwe mu mutende, kasa mwabulwa jitomya ne kaneneno ku meso anji.

Lumwekesho 3:3

Vuluka byo wafunjishiwe ne byo waumwvine, wibilame, ne kulapila. Umvwe wabula kulaba ne kukenkenta, nkeya nobe ngivi, kabiji kechi ukayuka kimye kyo nkeshilamo kwi obewa ne.