Luka 21:25 - KNTP

²⁵ “Kabiji kukekala biyukilo ku juba, ne ku ng'ondo, ne ku tubangabanga. Ne ba mikoka ya bantu pano pantanda bakasusubala pa kumona malwa, bakekala na moyo mambo a kubuluma kwa mema a kalunga ne manyaki.

Luka 21:25 Iomraidhean Croise

Mateo 24:29

“Kabiji ponkapotu pakupita aa malwa, juba jikaaluka ke mfishi, ne ng'ondo naye kechi ukakema ne, ne tubangabanga twa mwiulu tukaponanga, ne bya bulume bya mwiulu bikasunkeena.

Mateo 27:45

Kabiji kufuma pa kushinkimana juba kwaishile mfishi yakumbene ponse pano pantanda, kufika ne pa kulemba juba.

Mako 13:24

“Bino mu oa moba pakupita aa malwa, juba jikaaluka ke mfishi, ne ng'ondo naye kechi ukooba kyeya ne,

Mako 13:26

Kabiji ponkapo bakamona Mwana Muntu kasa eya mu makumbi na bulume bukatampe ne lukumo.

Mako 15:33

Pa kushinkimana juba kwaishile mfishi yakumbene ponse pantanda, kufika ne pa kulemba juba.

Luka 21:24

Kabiji bakebepaya na mpoko, ne kwibatwala mu buzha mu mikoka yonse ya bantu, ne Yelusalema bakamunyantaula ku Bangentila, poso myaka ya Bangentila ikafikizhiwe.”

Luka 21:26

Bantu bakapungila na moyo, pa kupembelela kwa abya bibena kwiya pano pantanda. Mambo bya bulume bya mwiulu bikasunkeena.

Byubilo 2:19

Kabiji nkamwesha bya kukumya mwiulu, ne biyukilo pano panshi; Bya mashi, ne bya mujilo, ne bya mimbulungwa ya bwishi.

Lumwekesho 20:11

Kabiji namwene jitanda jikatampe jitoka, ne aye waikajileepo. Jiulu ne ntanda byanyemene kilungi kyanji kabiji kechi byamwene pa kwikala ne.