Luka 21:12 - KNTP

¹² Kabiji bino byonse kasa bikyangye kufika bakemukwata, ne kwimupata, ne kwimufikizha mu mashinagoga ne mu tuleya, ne kwimuleeta ku meso a bamfumu ne bandamakyalo na mambo a jizhina jami.

Luka 21:12 Iomraidhean Croise

Mateo 22:6

aba bashajilepo nabo bakwachile bakalume banji, bebayanjishishe, ne kwibepaya.

Mateo 24:8

Nanchi bino byonse ko kuntatwilo ya bisanso.

Luka 21:11

Kukekala ne bitentanshi bikatampe, kabiji kwavula kukekala bipowe bya nzala ne myalo. Kabiji kukekala ne bilenga moyo ne biyukilo bikatampe kufuma mwiulu.

Yoano 15:20

Vulukai byo nemwambijile namba, ‘Muzha kechi wakila nkambo yanji ne.’ Inge bampachile amiwa, kabiji bakemupata ne anweba, inge balamine byambo byami, bakalama ne byenu.

Yoano 15:21

Pakuba bakemuuba bino byonse na mambo a jizhina jami, mambo kechi bamuyuka aye wantumine ne.

Byubilo 22:30

Pakuba byo bwakiile lukeelo, byo asakile kuyukisha kine kintu kyo ashiinwa na Bayudea, wamukasulwile, ne kukambizha bang'anga bakatampe ne bena kije bonse bapwijile pamo; ponkapo wamwikizhe Paulo ne kumubiika mu kyenyi kyabo.

Byubilo 5:40

Kabiji ne abo bamumvwine. Kabiji byo bebechile batumwa, bebapumine ne kwibakambizha amba, Kechi mukambe mu jizhina ja Yesu ne, ne kwibaleka bebalekele ke baye.

Byubilo 8:3

Pakuba aye Saulo waonawinenga kipwilo, kasa atwela mu mazubo, na kwibakulumunamo banabalume ne banabakazhi ne kwibataya mu kaleya.

Byubilo 9:4

Kabiji aye byo aponene panshi, wa umvwine jiwi amba, “Saulo, Saulo, ikika kyo ubena kummanyikila?”

1 Petelo 2:13

Kabiji nekenenai bonse buntangi bwa bantu na mambo a Nkambo, nangwa mfumu byo aji mwine mukatampe,

Lumwekesho 2:10

Kechi wakamwe byo waya umaname ne. Umvwai! Aye Diabola waya emutaye anweba bamo mu kaleya amba mwesekwe, kabiji mukamona bya malwa moba jikumi. Wikale wakishinka kufika ne ku lufu, ne amiwa nkakupa munchinya wa bumi.”