Luka 2:7 - KNTP

⁷ Ne aye wasemene mwana wamulume mubeji kabiji wamupombele mu bisapi ne kumubika mu kijiilamo banyama, mambo mu nzubo ya benyi kechi mwajinga mwakufikila ne.

Luka 2:7 Iomraidhean Croise

Mateo 1:25

Bino kechi wasambakene nanji ne poso byo asemene mwana. Kabiji Yosefwa wamutumbile jizhina amba Yesu.

Mateo 13:55

Kabiji uno kechi ye mwana sendwe wa mbao nenyi? Nanchi Inanji kechi bamuteela amba Maliya nenyi? Ne balongo banji kechi ba Yakoba ne Yosefwa, ne Shimona, ne Yudasa nenyi?

Mateo 8:20

Kumvwa Yesu wamwambijile amba, “Balubwala baji na mimbwa; ne bang'onyi bapita mwiulu nabo baji na binsa; pakuba Mwana Muntu kechi ujipo nangwa na pa kushakamina mutwe wanji ne.”

Luka 10:34

Kabiji wayile ko ajinga, wamupombele pa bilonda byanji, waichijilepo ne manyi ne binyu; wamubikile ne panyama wanji mwine, ne kumuleeta ku nzubo ya bwenyi na kumulama.

Luka 2:6

Ne byo bakijinga konkakwa, moba anji a kusema afikile.

Luka 2:8

Kabiji kwajinga ba kafunga mikooko mu yoya ntanda baikajile bufuku mungye na kulama jitanga jabo.

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

2 kolinda 8:9

Mambo mwayuka bupe bwa Nkambo yetu Yesu Kilishitu, amba, nangwa wajinga munonshi, byonkabyo na mambo a anweba waalukile ke muyanji amba, anweba monka mu buyanji bwanji mwaluke ke banonshi.

Ngalatiya 4:4

Bino pene po kyafikijile kimye, Lesa watumine Mwananji wasemenwe mu mwanamukazhi, wasemenwe mu mizhilo,