Luka 2:49 - KNTP

⁴⁹ Ne aye wibambijile amba, “Mambo ka kyo mwaji kunkebelanga? Kechi mwayuka amba, nafwainwa kwikala mu nzubo ya Bataata nenyi?”

Luka 2:49 Iomraidhean Croise

Mateo 21:12

Kabiji Yesu wayile mu nzubo ya Lesa, wibapangilemo bonse bapoteshenga ne bapotelenga mu nzubo ya Lesa. Waalumwine ne matebulu a bapimpwilenga mali ne bipona bya boba bapoteshenga ba nkunda,

Luka 2:48

Kabiji bansemi yanji byo bamumwene, bakuminye. Ne inanji wamwambijile amba, “Mwanami, mambo ka kyo witubila bibye? Tala, bashobe ne amiwa tubakukebenga na kijikila.”

Yoano 4:34

Kumvwa Yesu amba, “Kajo kami, ko kuuba kyaswa muchima wa aye wantuma, ne kupwisha mwingilo wanji.

Yoano 5:17

Kepo Yesu ebakumbwile amba, “Bataata ne jalelo bengila, ne amiwa pamotu nafwainwa kwingila.”

Yoano 5:36

Pakuba lushimuno lwami lonji nalo amiwa lwakila lwa kwa Yoano, mambo mingilo yo bampele Bataata amba wiipwishe, yonkaya mingilo yo mbena kuuba amiwa yo inshimuna amba, Shanji wamutuma.

Yoano 6:38

Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma.

Yoano 8:29

Ne aye wantuma uji ne amiwa, aye kechi wandeka bunke ne, mambo mbena kuuba bya kumutokesha pa muchima moba onse.”

Yoano 9:4

Atweba twafwainwa kwingila mingilo ya Aye wantuma, byo jikijipo juba, bufuku bubena kwiya kafwako ukonsha kwingila ne.