Luka 2:26 - KNTP

²⁶ Kabiji kya mubujilwe kala ku Mupashi Wazhila amba, kechi akamone lufu ne poso patanshi aka mumone Kilishitu ye alayile Nkambo.

Luka 2:26 Iomraidhean Croise

Mateo 2:12

Kabiji byo bebajimwine kwi Lesa mu kiloto amba, “Kechi mubwele kwi Heloda ne,” babwelele kwabo mu jishinda jikwabo.

Luka 2:29

“Nkambo pano mwanswisha amiwa kalume wenu kufumapo mu mutende, monka mwayila byambo byenu.

Luka 9:27

Kine nemubuula namba, po baji baimana pano bakabula kumona lufu nangwa pacheche ne, poso bakamone bufumu bwa Lesa.”

Yoano 1:41

Uno wabangijile kutaana mulongo wanji Shimona, wamubujile amba, “Twataana Mesiasa” (pa kulumbulula ko kuuba amba, Kilishitu.)

Yoano 20:31

Pakuba bino byanembwa amba, mwitabile amba, Yesu ye Kilishitu, Mwana Lesa, kabiji amba, pa kwitabila, mwikale na bumi mu jizhina janji.

Yoano 4:29

“Twayai, mukamone muntu, wambuula byonse byo naubile kala. Uno kana ye Kilishitu nyi?”

Yoano 8:51

Kine, kine nemwambila namba, umvwe muntu walama mambo ami, kechi ukamona lufu myaka ne myaka nangwa pacheche ne.”

Byubilo 10:38

a Yesu mwina Nazala, byo bamushingile manyi kwi Lesa na Mupashi Wazhila ne na bulume. Ye wapitang'enenga na kwingila byawama, ne kubuka bonse bo bamanyikilenga kwi Diabola, mambo Lesa wajinga nanji.

Byubilo 17:3

kasa ebilumbulula ne kwibambila amba, kyafwainwe Kilishitu kumanama, ne kusanguka mu bafu. Kabiji amba, “Uno Yesu yenka, ye mbena kwimusapwila ye Kilishitu.”

Byubilo 2:36

“Onkao mambo bonse ba munzubo ya Isalela bayukishetu amba, Lesa wamupa bu Nkambo ne bu Kilishitu, yenka uno Yesu ye mwaipayile pa musalabu.”

Byubilo 9:20

Kabiji ponkapotu wasapwijilenga mambo a Yesu mu mashinagoga amba “Ye Mwana Lesa.”

Bahebelu 11:5

Ko ku lwitabilo ko atuntulwilwe Enoka amba wakafwa. Ne aye kechi bamumwene ne mambo Lesa wamutuntulwile. Mambo kasa akyangye kutuntululwa bamushimwine amba, wamutokeshe Lesa pa muchima.