Luka 2:25 - KNTP

²⁵ Kabiji kwajinga muntu mu Yelusalema, jizhina janji Shimeona, ne uno muntu wajinga waoloka kabiji wa akamwa Lesa, kasa apembelela lutekenesho lwa bena Isalela, ne Mupashi Wazhila wajinga pe aye.

Luka 2:25 Iomraidhean Croise

Mako 15:43

Yosefwa mwina Alimatea, kinemanga wa mukije waishile. Aye naye wapembejilenga bufumu bwa Lesa, watwelele mwi Pilato na kuchinchika, ne kulomba mubiji wa Yesu.

Luka 1:41

Ne Elizabeta byo a umvwine lwimu lwa kwa Maliya, ponkapo mwana wafunkiishe munda mwanji. Ne Elizabeta wayujilwe na Mupashi Wazhila,

Luka 1:6

Bubiji bwabo bajinga baoloka ku meso a Lesa, ba endelenga kwakubula mambo monka mu mikambizho ne mu mizhilo ya Nkambo.

Luka 1:67

Ne shanji Zakaliya wayujilwe na Mupashi Wazhila ne kwaula amba,

Luka 2:38

Ne aye waishile pa kyonkakya kimye ne kusanchila Lesa ne kwamba na mambo a yewa mwana ku bonse bapembejilenga kukuulwa kwa Yelusalema.

Luka 23:51

uno wajinga mwina Alimatea muzhi wa Bayudea, aye kechi waitabazhene naabo nakyo bafukwile kuuba ne, kabiji aye watengejilenga bufumu bwa Lesa.

Byubilo 10:2

Aye wanemekanga ne kumwakamwa Lesa pamo naba mukisemi kyanji bonse, kabiji wapainenga bya bukwasho byavula ku bakajilwa, ne kulomba kwi Lesa moba onse.

Byubilo 10:22

Kumvwa abo ba mwambijile amba, Koneleusa, mukulumpe wa bashilikale, muntu waoloka, wa akamwa Lesa, watelwa bulongo ku mukoka yense wa Bayudea, ba mwambijile kwi malaika wazhila wa Lesa, kwimulonda anweba ne kwimutwala ku nzubo yanji, amba omvwe byambo kwi anweba.

Byubilo 2:5

Bino mu Yelusalema mwaikajilenga Bayudea, banemeka Lesa, bafumine mu mikoka yonse ya muno munshi.

Byubilo 24:16

Byonkabyo nateshako bingi muchima namba ngikale na muchima wabula mambo kwi Lesa ne ku bantu moba onse.

2 Petelo 1:21

Mambo bya bungauzhi kechi byaishile na kyaswa muchima wa muntu nangwa jimotu ne, bino bantu ba ambile byafumine kwi Lesa, monka mo bebatangijile ku Mupashi Wazhila.