Luka 2:2 - KNTP

² Kuno kwajinga kunembwa kutanshi byo ajinga mwine ndamakyalo wa mu Silya aye Kilenyusa.

Luka 2:2 Iomraidhean Croise

Mateo 4:24

Kabiji ne nkuwa yanji yakumbene monse mu Silya, kabiji bamuletejile bonse bakolwa, bajinga na bikola ne misongo ya misango ne misango, ne banonkelwe ku bademona, ne ba kishimu ne ba kalepu, ne abo nabo wibabukile.

Luka 2:1

Kabiji mu oa moba kwafumine mukambizho kwa Kesala Augusatusa, amba bantu bonse ba mu ntanda banembwe.

Luka 2:3

Ne bonse bayile na kwinembesha, au ku muzhi wanji au ku muzhi wanji.

Luka 3:1

Mu mwaka wa bujikumi na butanu wa bufumu bwa kwa Tibeliusa Kesala, Pontiusa Pilato kasa aji ndamakyalo wa Yudea, ne Heloda naye kasa aji mfumu wa mu Ngalilea, ne mulongo wanji Filipa naye kasa aji mfumu wa mu kyalo kya Itulea ne Tilakonyitisa, ne Lisanyasa naye kasa aji mfumu mu Abilene,

Byubilo 13:7

Ye wajinga mulunda nanji mukulumpe wa kyalo, Seligiusa Paulosi, wajinga muntu wa maana. Mukulumpe wa kyalo waichile Banabasa ne Saulo, amba omvwe mambo a Lesa.

Byubilo 18:12

Pakuba Galio, byo ajinga mukulumpe wa kyalo kya Akaya, Bayudea baishile pamo na kumulwisha Paulo, kabiji bamutwajile ku kije.

Byubilo 23:26

“Amiwa Kaludiusa Lisiasa, kuji anweba ba Felikisa, ndamakyalo wa buneme bwine, mutende.

Byubilo 26:30

Ponkapo aye mfumu waimene, ne aye ndamakyalo, ne Belenise, ne bo aikajile naabo pamo.

Byubilo 5:37

Kabiji palutwe, mukwabo naye waimene Yudasa mwina Ngalilea mu moba a kunembesha mazhina, ne aye waongwele bamo ne kumulondela bamulondejile, bino ne aye naye waipayiwe, ne bonse bamukookejile, bebapalang'enye.