Luka 2:14 - KNTP

¹⁴ “Lukumo lwikale kwi Lesa mwiulu mwine, ne pano pa ntanda mutende ekale na bantu bamutokesha pa muchima.”

Luka 2:14 Iomraidhean Croise

Mateo 21:9

Ne mabumba atangijileko ne ajinga panyuma, kasa abijika amba, “Hosana kwi Mwana Davida! Atotwe awa wiya mu jizhina ja Nkambo! Hosana ne mwiulu mwine!”

Luka 1:79

mu kwibasaamina abo baikala mu mfishi ne mu kimvule kya lufu, ne kutangijila maulu etu mu jishinda ja mutende.”

Luka 19:38

amba, “Atotwe Mfumu wiya mu jizhina ja Nkambo! Mutende mwiulu ne lukumo mwiulu mwine.”

Luka 2:13

Ne ponkapotu kwamwekele kuji malaika jibumba ja nzhita ya mwiulu kasa jitota Lesa amba,

Luka 2:15

Kabiji bamalaika byo bebashiile ne kubwela mwiulu, ba kafunga ba ambang'ene bene na bene amba, “Twayai tuye ku Betelema na kumona kino kintu kya mweka kyo etubula Nkambo.”

Luka 3:22

ne Mupashi Wazhila wa mwikijile mu musango wa mubiji wa bunkunda; ne jiwi jafumine mwiulu amba “Obewa yobe Mwanami ye natemwa, monamwena lusekelo.”

Yoano 14:27

“Nemushiila mutende, nemupa mutende wami. Kechi mpana byo bapana ba pano pantanda ne. Michima yenu kechi ilukute ne, nangwa kuuba moyo ne.”

Yoano 17:4

Amiwa nemutumbijika pano panshi, byo napwisha mingilo yo mwampele amba neyube.

Yoano 3:16

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Byubilo 10:36

O mambo o atumine kubena Isalela, a kusapwila Mambo Awama a mutende mwi Yesu Kilishitu, aye ye Nkambo wa bonsetu.

Loma 5:1

Onkao mambo byo twabingishiwa ku lwitabilo, tuji na mutende na mwine Lesa monka mwi Nkambo yetu Yesu Kilishitu.

Efisesa 1:6

mukuleeta lutotelo lwa kutota lukumo lwa bupe bwanji, boetupeletu mwi aye Mutemwe.

Efisesa 1:9

Byo etusolwejile akya kyafyamika kya ku muchima wanji, monka mwayila akya kyamutokela ku muchima kyo afukwijile jimo mwi Kilishitu.

Efisesa 2:4

Kabiji Lesa byo aji na lusa lukatampe, na mambo a butemwe bwanji bukatampe bo etutemenwe,

Efisesa 2:7

Amba mu myaka ikeya akamweshe bunonshi bwine bwa bupe bwanji mu kwituubila lusa mwi Kilishitu Yesu.

Filipai 2:11

Ne majimi onse aketabe amba Yesu Kilishitu ye Nkambo, mu kumuletela lukumo Lesa Taata.

Filipai 2:13

mambo ye Lesa wingila mwi anweba mu kwimusakisha kuuba, ne kwingila bintu byamutokela ku muchima wanji.

Kolose 1:20

Kabiji apwayinyemo bintu byonse ne Aye mwine, biji pano pantanda, nangwa biji mwiulu, pakulenga mutende na mashi a mwananji ponka pa musalabu.

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

Lumwekesho 5:13

Ne bilengwa byonse biji mwiulu, ne pano pantanda, ne munshi ya ntanda, ne pa kalunga ka mema, ne byonse byumi, nebyumvwine kasa byamba amba, “Kwi aye waikala pa jitanda, ne kwi aye Mwana Mukooko, kwikale lutakaiko, ne buneme, ne lukumo, ne bulobo, myaka ne myaka!”